Nepali Community Forum

xNepali Forum => Celebrity profile => Topic started by: tundikhel on August 09, 2009, 06:58:46 AM

Title: Nikhil Upreti (Nepali Actor)
Post by: tundikhel on August 09, 2009, 06:58:46 AM
Nikhil Upreti

(http://xnepali.com/i/thumbs/laa1249782886f.jpg) (http://xnepali.com/i/viewer.php?id=laa1249782886f.jpg)

Son of Govinda Upreti and Bhoj Kumari Upreti, Nikhil Upreti was born in Piprabhitta of Sarlahi. He has two sisters and a brother. During his childhood days, he was interested in sports especially in Karate(black belt) and football. He completed his education from Birgunj and Kathmandu and moved to Mumbai and worked in different movies as an assistant fight director and a stunt boy. He also got Diploma in acting from Roshan Taneja's studio, Mumbai. Similarly, he got special training in action there and got a chance to work as an assistant fight director in ABCL company of Amitabh Bachhan and showed his talent in dozens of Hindi films.

In 2058 B.S he got married with Kopila Upreti of Naubise, Dhading after 8 years of love affair.

Acting career :
Nikhil's first acted in Pinjada in 2057 B.S in which he had to jump from a seven stored building of Kantipur Complex. The stunt was highly advertised and was one of the factor to make the movie a super-hit.

Nikhil's next film was the 2059's another hit movie 'Maya Ko Jaal'. With the success of second movie, Nikhil became hot cake among reputed producers.

Till now he has worked in more than 45 films. He has been awarded for his performance in different movies. He was welcomed with the award as a Best Actor in First National Films Award 2062 from the movie 'Haami Teen Bhai'. This film was very well received and earned Nikhil with name as well as fame. He was also awarded with Rastriya Nagarik Sworna Samman in 2063 B.S. Not only this, he has also in hand a number of awards on completing 51 days from more than 15 movies.
Title: Re: Nepali Actor - Nikhil Upreti
Post by: tundikhel on August 09, 2009, 07:37:43 AM
Title: Re: Nepali Actor - Nikhil Upreti
Post by: tundikhel on August 09, 2009, 07:41:56 AM
(http://xnepali.com/i/thumbs/aah1249782937s.jpg) (http://xnepali.com/i/viewer.php?id=aah1249782937s.jpg)

Interview - Enasha

निखिलजी, 'सावधान' सिनेमा बनाउनु भएछ । एउटा हिरोका लागि सिनेमा बनाउनु सजिलो हुँदोरहेछ हैन?
अरुलाई भन्दा कलाकारलाई सिनेमा बनाउन सजिलो निश्चित रुपमा छ । किनभने लगानीकर्ताहरुले चलेको कलाकारलाई पैसा हाल्न हिच्किचाउँदैनन् । तर मैले सिनेमा बनाउनु ठूलो कुरा होइन, विशेष किसिमको सिनेमा बनाउन सकेँ कि सकिनँ त्यो ठूलो कुरा हो ।
 
 
भने पछि 'सावधान'लाई विशेष किसिमको चलचित्र बनाउने प्रयास गर्नु भएको छ, हैन त?
एकै किसिमका चरित्रहरु गर्दागर्दा हैरान भइरहेको बेला सिनेमाजस्तो आमसञ्चारको सशक्त माध्यमलाई कसरी सन्देशमूलक पनि र व्यवसायिक पनि बनाउन सकिन्छ भन्ने सोचको परिणति नै यो चलचित्र हो ।
 
 
यसमा त्यस्तो के खास गर्नु भएको छ ?
बर्म्बईमा पनि नभएको काम हामीले गरेका छौँ । कतिपय कम्प्युटर प्रविधिका एनिमेशन र तिनका प्राविधिक कार्यका लागि हामीले अष्ट्रेलियाली प्राविधिकहरुसँग सहयोग लिएर काम सम्पन्न गरेका छौँ । यो काममा हामीले गर्व गर्नुपर्छ । त्यस्तै अरु आम फिल्ममा जस्तो चलचित्रमा नायकनायिका छैनन् ।
 
सज्जा नायिका होइनन् र ?
सज्जा यसमा नायिका होइन, नायक बनेर खेलेकी छिन् । चलचित्रमा मात्र दुइ वटा गीत छन्, त्यो पनि 'सिक्वेन्स'ले मागेको हुँदा हालिएको हो ।
 
 
एउटा कलाकार र एउटा चलचित्र निर्माताको दायित्व कस्तो हुँदोरहेछ?
नेपालका अधिकांश आम जनतालाई राजनीतिज्ञहरु के बोल्छन्, के गर्छन् ती पक्षसँग तिनलाई मतलब छैन । तर राजेश हमाल, दिलिप रायमाझी र निखिल उप्रेती के खान्छन्, के बोल्छन् र के गर्छन् त्यसबारेमा उनीहरु मतलब राख्छन् । त्यसैले हामीले गर्ने हरेक क्रियाकलाप उनीहरुमा गहिरो प्रभाव परिरहेको हुन्छ । ती व्यक्तिहरुका लागि पनि राम्रो सिनेमा दिनुपर्ने हाम्रो दायित्व हो । त्यो अन्य निर्माता-निर्देशकबाट नभइरहेको हुँदा मैले 'सावधान' बनाएको हुँ ।
 
 
उसो भए तपाईँको सिनेमा अहिलेका नेपाली सिनेमाका दर्शकहरुप्रति नैकेन्द्रित छ ?
ती दर्शकहरुलाई स्तरीय र समाजोपयोगी चलचित्र दिने प्रयास गरेको छु । तर यसको अर्थ मध्यमवर्गीय र उच्च वर्गीयका लागि मेरो सिनेमा होइन भन्न खोजेको होइन । तिनीहरुले पनि यो चलचित्र हेरे भने यसमा 'छ्या' भन्नुपर्ने स्थिति आउने छैन ।
 
 
ती वर्गको प्रतिक्रिया उति राम्रो छैन, चलचित्र चलिरहेको छैन भनेरचलचित्र उद्योगमा हल्ला छ नि ?
यस उद्योगमा केही सीमित व्यक्ति 'सावधान' जस्तो प्रयोगात्मक चलचित्र चलेको रुचाउँदैनन् । किनभने यो उनीहरुको सोच र क्षमताभन्दा बाहिरको कुरा हो । भोलि यो हिट भयो भने उनीहरुले पनि योभन्दा राम्रो र नयाँ किसिमको चलचित्र दिनुपर्छ, आफूले वर्षौँदेखि चलाइआएको र्ढरा परिवर्तन गर्नुपर्छ, नयाँ काम गर्न आउँदैन, त्यही भएर त्यस्तो हल्ला चलाएर यस्ता चलचित्र 'फ्लप' बनाइयो भने उनीहरुको स्वार्थसिद्ध हुन्छ । त्यसैले यस्तो हल्ला चलाइएको हो । तर मैले गफ दिएको होइन, अहिलेको समयमा अरु चलचित्रभन्दा यो निकै राम्ररी चलिरहेको छ ।
 
 
तपाईँको बोलीमा बढी नै 'आत्मविश्वास' छ नि ?
चलचित्र उद्योगमा केही नयाँ काम गरेको हुँदा र दर्शकहरुले पनि यो स्वीकार गरिदिएकाले ममा यत्तिको आत्मविश्वास देख्नु भएको हुनसक्छ । तर तपाईँलाई नढाँटी भन्छु, मैले हेर्न लायक चलचित्र दर्शकहरुलाई दिएको छु ।
 
 
त्यसको प्रमाण ?
उपत्यकाभन्दा बाहिरका हलहरुमा कहिल्यै नआएका, नदेखिएका व्यक्तिहरुको बढी बाहुल्यता छ भन्ने प्रतिक्रिया पाएको थिएँ भने काठमाडौँमा पनि राम्रै व्यापार गरेको थियो ।
 
चलचित्र निर्माता भएपछि जो पनि कथाकार हुँदारहेछन् हैन ?
तपाईँले मलाई इङ्गित गर्नुभएको होला । तर हाम्रा वरिपरि भएका घटनालाई कागजमा उतारेको हुँ ।
 
 
कथामार्फत् कसलाई के भन्न खोज्नु भएको छ?
मैले यस देशका शासकहरुलाई देशका युवाशक्तिहरुको दुरुपयोग चरम रुपमा भइरहेको छ भनेर झक्झक्याउन खोजेको छु । यो चलचित्र, देशमा के भइरहेको छ भन्ने मेरो दृष्टिकोण हो ।
 
 
देशमा चलचित्र उद्योग खस्किरहेको छ भन्ने हल्ला भइरहेको बेला तपाईँचाहिँ मेरो चलचित्र चलिरहेको छ भनिरहनु भएको छ, अलि बढी भएन ?
यो कुरा सही हो, देशमा मनोरञ्जनको साधन चलचित्र मात्र रहेन । मनोरञ्जनको ट्राफिक जाममा मानिसहरुले मेरै चलचित्र वा नेपाली चलचित्र हेरिदिनुपर्छ भन्ने छैन । तर राम्रो चलचित्र भयो भने चलचित्र चल्छ । यो कुरा बुझिरहनुस्, राम्रो नेपाली चलचित्रले राम्रो विदेशी चलचित्रसँग प्रतिस्पर्धा गर्न सक्छ । हामीले राम्रा नेपाली चलचित्र बनाएर राम्रा विदेशी चलचित्रसँग प्रतिस्पर्धा गर्नैपर्छ, नत्र भोलि हाम्रो अस्तित्व नरहन सक्छ ।
 
 
तपाईँ त अहिले सबैभन्दा व्यस्त स्टार...?
 मलाई 'स्टार' या 'सुपरस्टार' नभन्नोस् । वास्तविक स्टार त अमिताभ बच्चन, शाहरुख खान या आमीर खान हुन् । उनीहरुलाई संसारका आधा मान्छेले चिन्छन् । हामीलाई त नेपालभित्रै १० प्रतिशतले पनि चिन्दैनन् । हो, जब हामीलाई ९० प्रतिशत जनताले चिन्छन्, माया गर्छन् र हामीले बोलेको पत्याउँछन् तब मात्र हामी स्टार वा सुपरस्टार हुन्छौँ ।
 
 
तपाईँ त यति राम्रो बोल्नु हुँदोरहेछ ?
 राम्रो बोलेको होइन, वास्तविकता बताएको ।
 
 
खैर, 'सावधान'को निर्देशक दिनेश डिसीभन्दा पनि तपाइँ नै हो भन्छन् नि ?
मेरो सोचलाई जस्ताको त्यस्तै पर्दामा उतार्न सफल हुनु भएकोले दिनेशजी मेरालागि एउटा सफल निर्देशक हो ।
 
 
चलचित्रसम्बन्धी तपाईँको जीवनसिद्धान्त ?
 दर्शकको पैसा लिएर उनीहरुलाई सस्तो मनोरञ्जन मात्र दिने कि 'म्यासेज'सहितको मनपर्ने चलचित्र दिने भन्ने प्रश्न ।
 
 
यो चलचित्रबाट तपाईँले कति कमाउनु हुन्छ त ?
 कति कमाउँछु, त्यो त भन्न सक्तिनँ तर यो कुरामा म 'स्योर' छु, मलाई यसबाट घाटा हुँदैन । अर्को चलचित्र बनाउन भरथेग गर्छ गर्छ ।
 
 
भनेपछि अर्को चलचित्रको काम पनि शुरु गरिसक्नु भयो ?
 दुइ वटा नयाँ चलचित्रबारे काम भइरहेको छ । एउटाको नाम 'रक्सी' हुनेछ, जुन रक्सीले निम्त्याएको संकटमा आधारित हुनेछ भने अर्को चलचित्रको नाम सोचिसकेको छैन र त्यो पनि समाजलाई थोरबहुत 'म्यासेज' दिने नै छ ।

(http://xnepali.com/i/thumbs/laa1249783007i.jpg) (http://xnepali.com/i/viewer.php?id=laa1249783007i.jpg)
Title: Re: Nepali Actor - Nikhil Upreti
Post by: tundikhel on August 09, 2009, 10:55:36 PM
Another Interview

ममाथि गुण्डा लगाइयोः निखिल उप्रेती 
२६-वैशाख-२०६४,बुधवार

निखिल उप्रेती- नेपाली चलचित्रको बजारलाई नयाँ धार दिन सफल नायक । लोकतन्त्र प्राप्तिका लागि निकै सङ्घर्ष गरेका निखिल यतिबेला नाम र दाम दुवै पक्षबाट चर्चामा छन् । यसै हप्तामात्र चलचित्र 'दाइको ससुरालीमा'को युनिटमा उनीमाथि गुण्डा लगाएर हातपात गर्न खोजिएको समाचारले सनसनी मच्चिएको छ ।
० खास भएकोचाहिँ के थियो निखिलजी ?
- ममाथि गुण्डा लगाएर सिधै आक्रमण गर्न खोजिएको थियो, यसलाई के भएको मान्नुहुन्छ, मान्नुस् !
० तर, तपाईंले चलचित्रका लागि समय दिनुभएन भन्ने कुरा पनि छ नि !
- उनीहरूले जुनबेला भन्यो त्यसैबेला समय दिन तयार भएर बस्ने म तिनीहरूले पालेको व्यक्ति हुँ र ? सम्झौता भएको डेट त पुरानो भइसकेको छ । तैपनि मैले मिलाएर गरौंला भनेर राम्रो कुरा गरेको थिएँ । किन एक्कासि सुटिङ स्पटमा गुण्डा ल्याउनुपरेको हो, तपाईं उनीहरूलाई नै सोध्नुहोला !
० उनीहरूले त गुण्डा ल्याएको होइन भने नि ?
- गुण्डा हुन् कि फिल्मलाइनका मान्छे हुन्, म चिन्दिनँ र - गुण्डाकै धम्की देखाउने हो भने मेरा छैनन् र मान्छे -!
० तपाईंलाई उनीहरूसँग रिस उठेकोचाहिँ केमा हो नि ?
- सुटिङ स्पटमा गुण्डा ल्याएर धम्क्याएकोमा । व्यक्तिको होइन यस्ता गलत प्रवृत्तिको विरोध गरेको हुँ । त्यही भएर हनुमानढोकामा मुद्दा पनि दायर गरें । आज मलाई धम्क्याउनेले भोलि अर्कोलाई पनि धम्क्याउन सक्छ । यस्ता गलत सोच हट्नुपर्छ भन्ने मान्यता हो मेरो ।
० उसो भए अहिले त कुरा मिल्यो होला नि ?
- मैले कृष्ण चापागाईं र सुनिल मानन्धरको फिल्म छाडें । प्रहरीमा आपसी समझदारी भयो तर उनीहरूसँग काम गरिँदैन अब !
० बैना लिएको रकम त फिर्ता दिनुभएन रे !
- किन दिने - चलचित्र 'निखिल दाइ' मा खेलेको रकम वर्षौं भइसक्दा पनि मैले पाएको छैन । आफ्नो श्रमको रकम लिन यति गाह्रो हुनेसँग कसरी काम गर्न सकिन्छ र ?
० भनेपछि चलचित्र दिदी-भाइमा तपाईंलाई अब देख्न पाइन्न -
- मैले कामै नगरेपछि कसरी देख्न पाइन्छ त ? सिनेमा निर्माण भनेको टिमवर्क हो । त्यसैले यस्तो गैरजिम्मेवार समूहभित्र बसेर काम गर्न सकिन्न ।
Title: Re: Nepali Actor - Nikhil Upreti
Post by: tundikhel on August 09, 2009, 10:59:42 PM
बिहेपूर्व नै शारीरिक सम्बन्ध भयोः निखिल

हिजोआजका चर्चित र व्यस्त अनि लोकप्रिय नायक निखिल उप्रेती आजको दिनसम्म कसरी आइपुगे, कस्ता छन् उनको जीवनका आरोहअवरोह - आउनुस् जानौं उनीबाटै, तपाईंहरुकै प्रिय स्तम्भ पहिलो पाइलामाः

पहिलो क्यारियर ?

मेरो क्यारियर प्रशिक्षकबाट शुरू भएको हो। म मुम्बईमा हुँदा बलिउडको एउटा इन्स्टिच्युटमा अभिनयको प्रशिक्षण लिन्थेँ र पछि त्यहीँ द्वन्द्वसम्बन्धी प्रशिक्षण दिने मौका पाएँ।

यसो गर्दागर्दै बलिउड चलचित्र उद्योगमा स्टन्ट गर्न थालेँ। यही क्रममा नेपाली चलचित्र उद्योगमा मैले क्यारियर बनाएँ। यसरी हेर्दा द्वन्द्व प्रशिक्षणबाटै मेरो कलाकारिताको क्यारियर शुरू हुन पुग्यो।

पहिलो चलचित्र ?

काठमाडौं आएपछि पहिलो पटक पिँजडा नामक चलचित्रमा काम गर्ने मौका पाएँ। आफ्नो फिल्मी क्यारियरको शुरूकै त्यो फिल्ममा मैले ज्यानको बाजी लगाएर सात तलाबाट हाम फालेँ।

दर्शकले पनि यसलाई सहर्ष स्वीकार गरिदिनुभयो। हुन त सबै जना मबाट अहिले पनि त्यस्तै स्टन्ट गराउन र हेर्न चाहनुहुन्छ। तर मचाहिँ केही नयाँ कुरा गरेर देखाउन चाहन्छु। जेहोस्, पहिलो चलचित्र पिँजडाले आज मलाई यहाँसम्म ल्याइपुर्‍याएको छ, दर्शकको माया दिलाएको छ र नायक बनाएको छ।

पहिलो सफलता ?

क्यारियरको फस्ट फिल्म पिँजडाबाटै मैले सफलताको मीठो स्वाद चाख्न पाएँ। यो फिल्ममा काम गरेपछि मैले पछाडि फर्केर हेर्नुपरेको छैन, खुसी लाग्छ। म अहिले जसरी २४ घन्टामा लगातार १६ घन्टा काम गरिरहेको छु, त्यो सबै पिँजडाकै प्रतिफल हो।

पहिलो असफलता ?

धेरै छन्, तर पहिलो असफलता कुन हो त्योचाहिँ सम्झिन सक्दिनँ। विशेष गरी स्टन्ट गर्ने क्रममा सुरक्षाको साधनको कमी र असन्तुलनका कारण असफल हुँदै धेरै पटक लडेको छु, घाइते भएको छु र चोटपटक लागेको छ।

भाग्यविधाताको सुटिङमा त रुखबाट लडेर दाहिने खुट्टै भाँचिएको थियो। मेरो असफलता भनेको यही नै हो।

पहिलो दुर्घटना ?

स्कुले विद्यार्थी हुँदा कागती खाने क्रममा नराम्ररी अड्किएको थियो। मेरो जीवनको पहिलो दुर्घटना नै त्यही थियो। त्यतिखेर एक मिनेट मात्र ढिलो भएको भए प्राण नै जान सक्थ्यो र म आज यसरी तपाईंसँग कुरा गरिरहेको हुन्नथेँ।

पहिलो पटक हेरेको चलचित्र ?

माइतीघर। त्यो फिल्म बच्चामा गाउँमै हरेको थिएँ। त्यतिखेर गाउँमा एउटै हल थिएन। प्रोजेक्टर लगेर चौरमा देखाइएको थियो। त्यसको सबै कुरा त याद छैन, तर माइती घर माइती घर भन्ने गीतचाहिँ कण्ठैजस्तो भएको थियो, अरूचाहिँ टुक्राटाक्री मात्रै याद छ।

पहिलो पटक हेरेको नीलो चलचित्र ?

एसएलसी दिइसकेपछि वीरगन्जमा हेरेको थिएँ पहिलो पटक नीलो चलचित्र। त्यो अंग्रेजी भाषामा थियो, तर नामचाहिँ याद छैन। साथीहरूसँग गएर लुकेर हेरेको थिएँ त्यो ब्लु फिल्म।

कस्तो भने ब्लु फिल्म भनेर सुनेको थिएँ तर कहिल्यै हेरेको थिइनँ। यसरी पहिलो पटक ब्लु फिल्म हेर्दा रमाइलो लाग्यो। केही नयाँ कुरा जानेजस्तो र सिकेजस्तो लाग्यो। अहिले पनि फुर्सद मिल्यो भने कहिलेकाहीँ ब्लु फिल्म हेर्छु।

पहिलो प्रेम ?

सर्लाहीमा ४/५ क्लासमा पढ्दा अपोजिट सेक्सको भावनाले हो या बचपनले हो अथवा आकर्षणले गर्दा हो म भन्न सक्दिनँ। तर त्यही उमेरमा पनि लभ चलेको थियो।

एसएलसी दिइसकेपछि पनि एउटीसँग लभ चल्यो। पछि काठमाडौं आएपछि पनि एउटीसँग प्रेम भयो। तर त्यो शारीरिक चाहना थियो या वास्तविक प्रेम, म अहिले पनि भन्न सक्दिनँ। केही समय चल्यो, ठाउँ परिवर्तनसँगै टुंगियो पनि। तर दुःख भने लागेन।

बरु छ/सात वर्ष प्रेम चलेपछि कोपिलासँग बिहे गरेँ। यो नै मेरो जीवनको म्याचुअर्ड र महत्त्वपूर्ण प्रेम थियो।

पहिलो चुम्बन ?

स्कुललाइफमा सँगसँगै पढ्दै गर्दा एउटीसँग शारीरिक आकर्षणको प्रेम बस्यो। उनै गर्लफ्रेन्डसँग हात मिलाइयो, हक गरियो र चुम्बन साटासाट गरियो। मेरो पहिलो चुबन नै त्यही थियो।

पहिलो शारीरिक सम्बन्ध ?

पहिलो शारीरिक सम्बन्ध बिहेपूर्व नै भयो। विद्यार्थीकालमा सँगै पढ्ने क्रममा जोसँग चुम्बन साटियो, उनैसँग शारीरिक सम्बन्ध हुन पुग्यो। तर त्यो सम्बन्ध आपसी प्रेम, सल्लाह र सहमतिमै भएको थियो।

पहिलो गल्ती ?

जिन्दगीमा धेरै गल्ती गरिएको छ। तर सबै गल्ती अञ्जानमा भए र ती गल्ती सानातिना थिए। तर कसैलाई बिगार्ने र नाश गर्ने गरी अहिलेसम्म कुनै गल्ती गरेको छैन।

पहिलो सजाय ?

मलाई आजसम्म कसैले सजाय दिएको छैन। बरु आफ्नो कामबाट आफैंले सजाय पाइरहेको हुन्छु, समयले नै सजाय दिइरहेको हुन्छ।
Title: Re: Nepali Actor - Nikhil Upreti
Post by: tundikhel on October 15, 2009, 10:47:56 PM
(http://xnepali.com/i/thumbs/chu1255626150w.jpg) (http://xnepali.com/i/viewer.php?id=chu1255626150w.jpg)

चलचित्र 'दसगजा' को छायाँकनको क्रममा नायक निखिल उप्रेती र निर्देशक दयाराम दाहाल गफ गर्दै ।
Title: Re: Nepali Actor - Nikhil Upreti
Post by: tundikhel on December 12, 2009, 11:20:41 PM
  जोमसोमले मोहनी लगायो
शनिवार, 12 डिसेम्बर 2009 17:28 नागरिक

(http://xnepali.com/i/thumbs/chu1260639323e.jpg) (http://xnepali.com/i/viewer.php?id=chu1260639323e.jpg)
निखिल उप्रेति- सात वर्ष पहिले 'दिदी बहिनी' फिल्म सुटिङको सिलसिलामा जोमसोम गएको थिएँ। पोखरा विमानस्थलबाट प्लेन चढेर झण्डै बीस मिनेटको उडानपछि पुगेको थिएँ त्यहाँ। धौलागिरी र निलगिरी पहाडको बीच हुँदै उडेको जहाजबाट देखिएको दृष्यले मेरो मन हर्षित थियो। हरियाली जंगल माथि र दुई ठूला पहाडको बीचबाट उडेको जहाजको झ्यालबाट मेरा आँखा दायाँबायाँ र तलमाथि गरिरहेका थिए।

पोखराको न्यानो मौसमबाट एकैचोटी चिसोमा पस्दा मन निकै रोमाञ्चित र शरीरले अर्कै अनुभूति गरेको थियो। इण्डिया लामो समय बसेको मान्छे, फेरी मेरो घर पनि तराइ। गर्मी हावापानीमा जीवन वित्यो। मलाई गर्मी हावापानी धेरै मन पर्दैन। हिमाली भेगमा त्यो मेरो पहिलो अनुभव। आँखैमा टाँसिने गरि ठडिएका थिए हिमालहरु। निलगिरी पछाडी धौलागिरी देख्दा निकै आनन्दित भएको थिएँ।

जोमसोम जहाँ हल्ला छैन, त्यहाँ रमायो मेरो मन। शान्त वातावरणमा बस्दा उर्जा मिले जस्तोलाग्छ मलाई। यो वातावरण केबल जोमसोममा पाएँ।

हुन त म जहाँ जान्छु त्यही ठाउँ नै मलाई मन पर्छ। तर जोमसोमले मलाई कहिल्यै नविर्सने गरि मोहनी लगायो। हिमाली भाग, मुक्तिनाथधाम नजिक पनि। म त्यति धेरै आस्तिक त होइन। तर पनि भगवानमा विश्वास छ। म मुक्तिनाथसम्म पुगेको छु। मरुभूमि जस्तै लाग्ने त्यहाँको पहाड र मैदानले पनि मन हर्छ। तिर्थस्थलले दिमागलाई सकारात्मक र पिसफुल बनाउँछ।

जम्मा तीनचोटी जोमसोम गएको छु। सबै फिल्म सुटिङकै लागि। समय निकालेर अब परिवारसँग जाने विचार छ। अहिले गाडी जान थालेपछि अलि प्रदुषित भएको छ रे भन्ने सुनेको छु। कतै जोमसोमले आफ्नो पहिचान त गुमाउने होइन? गाडी जानु हुँदैन भनेको होइन, सहरमा जस्तो नहोस भन्ने लागेको हो।

त्यहाँका बासिन्दाको आफ्नै संस्कृति छ। भौतिकबादले छोइ सकेको छैन स्थानीहरुलाई। सम्मान र गरिने आत्मिय व्यवहारले पनि मन खिचेको छ। फेरी खानाको टेष्ट पनि आफ्नै। म निकै कम खाने मान्छे। त्यहाँ पुगेसी धेरै खाएँ। जे खाएनी केही नहुने। अर्गानिक खाना पाइन्छ। यहाँ हामी विषयुत्त खाना र सब्जी खाइराखेका छौं। त्यहाँको थकाली खाना त जिब्रोमा झुण्डिराखेको छ।

असोज/कात्तिकमा गएको थिएँ। स्याउ टिपिसकेका थिए किसानहरुले। स्याउ बगान हेर्दा मात्रै पनि रमाइलो लाग्यो। त्यतिबेला न जाडो न गर्मी थियो। उपयुक्त मौसम थियो हिँड्न र फिल्म सुटिङ गर्न।

आन्तरिक र बाह्य पर्यटनको धेरै सम्भावना बोकेको ठाउँ हो जोमसोम क्षेत्र। फिल्म सुटिङका लागि रमाइलो र पृथक लोकेसन। हलिउडमा देखाइने सिन भन्दा कमको छैन जोमसोम।

जोमसोम पुग्दा म भर्खरै फिल्म क्षेत्रमा लागेको थिएँ। त्यहाँ सात तलाबाट हामफाल्ने हिरो रे भनेर मान्छेले मलाई घरेका थिए। माया अनि सद्भाव छ त्यहाँका मानिसमा। भाइचाराको सम्वन्ध छ।

त्यसपछि मलाई रमाइलो लागेको ठाउँ हो-पोखरा। यहाँको हावापानी पनि निकै राम्रो छ। विग्रिसकेको छैन। लेक साइडमा राती बस्न निकै रमाइलो लाग्छ। घुम्ने ठाउँहरु पनि धेरै छन्। फुर्सद हुनेवित्तिकै पोखरा जान्छु।

मेरो जीवनमा जानै पर्ने ठाउँ जोमसोम र पोखरा हो जस्तो लाग्छ। मेरो परिवार लिएर फेरी पोखरा र जोमसोम जानेछु।
Title: Re: Nepali Actor - Nikhil Upreti
Post by: kurakani on February 03, 2010, 11:51:31 AM
Title: Re: Nepali Actor - Nikhil Upreti
Post by: NepDude on February 20, 2015, 05:53:37 AM
2015 valentines day interview
Title: Re: Nikhil Upreti (Nepali Actor)
Post by: anand on March 18, 2015, 11:55:59 PM
Nikhil is bringing "Bhairav" and he has also signed "Lutera" recenlty.

https://www.youtube.com/watch?v=WX47tsOMgCw
Title: Re: Nikhil Upreti (Nepali Actor)
Post by: testo on March 20, 2015, 05:20:50 AM
Nikhil's Film -- Ajambari Maya

http://xnepali.net/movies/nepali-movie-ajambari-maya/

(http://i0.wp.com/xnepali.net/movies/wp-content/uploads/2011/01/ajambari-maya.jpg)
Title: Re: Nikhil Upreti (Nepali Actor)
Post by: anand on March 22, 2015, 12:01:42 AM
Papi Manche

watch full film --> http://xnepali.net/movies/nepali-movie-papi-manche/

(http://i0.wp.com/xnepali.net/movies/wp-content/uploads/2015/01/papi-manche.jpg)
Title: Re: Nikhil Upreti (Nepali Actor)
Post by: tundikhel on March 23, 2015, 10:26:01 PM
Nikhil photos
Title: Re: Nikhil Upreti (Nepali Actor)
Post by: anand on March 29, 2015, 08:25:41 AM
Nikhil to be a don in लुटेरा

http://xnepali.net/movies/nikhil-upreti-featured-as-a-don-in-upcoming-movie-lootera/


(http://i1.wp.com/xnepali.net/movies/wp-content/uploads/2015/03/lootera-crew-at-the-location-3.jpg)

Title: Re: Nikhil Upreti (Nepali Actor)
Post by: anand on April 20, 2015, 01:10:12 PM
छेऊ न टुप्पोको फिल्म निर्माण गर्ने समय गइसक्यो – निखिल उप्रेती
Published on January 5, 2015

निखिल उप्रेती (नायक)

काभ्रे जिल्लामा पुख्र्यौली घर भएका अहिलेका चर्चित नायक निखिल उप्रेतीको जन्म सर्लाही जिल्लामा भएको हो । २०३२ सालमा जन्मिएका नायक निखिल उप्रेती अर्का चर्चित नायक रमेश उप्रेतीका १३ दिने दाजुभाई पनि हुन् । पिँजडा फिल्मबाट नेपाली चलचित्र क्षेत्रमा प्रवेश गरेका एक्सन नायक निखिल उप्रेतीले हालसम्म १५० वटा फिल्ममा अभिनय गरिसकेका छन् । नायिका संचिता लुइँटेलसँग दोस्रो विवाह गरेपछि केही वर्ष मुम्बईमा बसोबास गरेका नायक उपे्रती अहिले पुनः नेपाली चलचित्र क्षेत्रमा फर्किएका छन् । आफैँले निर्माण तथा निर्देशन गरको ‘भैरव’ फिल्ममा व्यस्त नायक निखिल उप्रतीसँग काभ्रे टाइम्स साप्ताहिकका लागि गरिएको कुराकानी यहाँ प्रस्तुत गरिएको छ  ।

० हाल केमा व्यस्त हुनुहुन्छ ?
आफैँले निर्माण तथा निर्देशन गरेको ‘भैरव’ फिल्मको सुटिङ सकेर पोष्ट प्रोडक्शनमा व्यस्त छु ।

० पोष्ट प्रोडक्शन भनेको के–हो ?
चलचित्रको सुटिङ सकिएपछि फिल्म रिलिज हुनु अगाडि जे जति काम गरिन्छ त्यो सबै कामलाई पोष्ट प्रोडक्शन भनिन्छ । जस्तै डविङ, मिक्सिङ, सम्पादन … इत्यादि ।

० मिडियामा खबर आइरहेको छ कि तपाईले निर्माण गुर्नभएको ‘भैरव’ फिल्ममा तपाईं बलिउडको चर्चित फिल्म सिंघमको भूमिकामा हुनुहुन्छ ?
हो, सिंघम फिल्ममा जस्तै म प्रहरीको भूमिकामा छु । बलिउडको करोडौँ बजेट भएको फिल्मसँग हाम्रो फिल्मको तुलना गर्न मिल्दैन ।

० ‘भैरव’कस्तो खालको फिल्म हो ?
यो आतकंवाद विरुद्ध एउटा इमान्दार प्रहरीले उठाएको आवाज हो । यो फिल्म निर्माणको लागि अहिलेसम्म १ करोड लगानी भइरहेको छ ।

० के नेपालमा १ करोड बजेटका फिल्महरुले आफ्नो लगानी उठाउन सक्लान् त ?
राम्रो फिल्म निर्माण हुनुपर्छ । अवश्य लगानी उठ्छ । नेपाली फिल्म क्षेत्र पहिलाको तुलनामा निकै सुधार भइसकेको छ । २–४ लाख लगानी गरेर छेउ न टुप्पोको फिल्म निर्माण गर्ने समय गइसकेको छ । हामीले हलिउड बलिउडका चलचित्रसँग प्रतिप्पर्धा गर्नुपर्छ ।

० ‘भैरव’ फिल्ममा त्यस्तो नयाँ नौलो प्रविधि के भित्र्याउनु भएको छ र ?
बलिउडका प्रविधि र प्राविधिक भित्र्याएको छु । बलिउडका स्ट्याण्डहरु प्रयोग गरिएका छन् । दर्शकहरुले ‘भैरव’ फिल्म हेर्दा बलिउडका फिल्म हेरेजस्तो महसुस गर्नेछन् ।

० तपाई नेपालको चर्चित एक्सन नायक हुनुहुन्छ । तपाईले अभिनय गरेका धेरै फिल्महरु सफल पनि भएका छन् । तर पनि तपाई नेपाली चलचित्र क्षेत्रलाई माया मारेर २–४ वर्ष मुम्बई पलायन हुनुभयो । किन ?
सबैको आ–आफ्नै इच्छा र चाहना हुन्छन् । पिँजडा फिल्ममा अभिनय गरेदेखि मैले कुनै दिन फुर्सद पाइन । दिनमा १८ घण्टासम्म काम गरेँ । म केहि वर्ष आराम गर्न चाहन्थेँ । आफ्ना व्यक्तिगत इच्छा र चाहनाहरु पूरा गर्न चाहन्थेँ । फिल्मको द्वन्द्वमा अझ केही नयाँपन भित्र्याउन चाहन्थे । त्यसैले  म २–४ वर्ष मुम्बई बसेर मैले जे कुराहरु सिकेँ त्यो सबै ‘भैरव’ फिल्ममा प्रयोग गरेको छु ।

० तपाई हिन्दी फिल्ममा अभिनय गर्न भारत जानुभएको र हिन्दी फिल्म खेल्न नपाएपछि पुनः नेपाली फिल्ममा फर्कनुभएको भन्छन् नि । यसमा तपाई के भन्नुहुन्छ ?
म हिन्दी फिल्ममा अभिनय गर्न भारत गएको होइन । म सानैदेखि भारतमै हुर्केको हुँ । मेरा सबै साथीहरु बलिउडका चर्चित निर्देशकहरु छन् । मैले चाहेको भए म सुरुदेखि नै बलिउडमा संघर्ष गरेर बस्थेँ । किन नेपाली फिल्ममा अभिनय गरेर बस्थेँ र ? मलाई अहिले पनि नेपाली दर्शकहरुले उत्तिकै माया गरिरहनु छ । उहाँहरुको मायालाई सम्झेर नै म पुनः नेपाली चलचित्रमा फर्किएको हुँ ।

० तपाईंले चलचित्र क्षेत्रमा कसरी प्रवेश गर्नुभयो ?
मलाई सानोमा चलचित्र क्षेत्रप्रति कुनै चाहना र रुचि थिएन । म चाइनिज हिरो ज्याकी च्यानको फिल्म धेरै हेर्थे । मलाई ज्याकी च्यानको फाइट खेल्ने शैली अति मन पथ्र्यो । म त्यसैको नक्कल गर्थे । तराईंका फाँटहरुमा म एक्सन सिक्ने गर्थे । सबै साथीहरुले मलाई फिल्ममा लाग्ने सल्लाह दिए । मैले नेपाली चलचित्र क्षेत्रको कसैलाई चिनेको थिइनँ । बलिउडमा गए पनि, कलिउडमा गए पनि मैले आफ्नो बाटो आफैँ बनाउनु थियो । कलिउडमा भन्दा बलिउडमा धेरै सम्भावना देखेर म मुम्बईतिर लागेँ । मुम्बईमा धेरै कुराहरु सिकेँ । केही फिल्महरुमा काम पनि पाएँ । त्यति नै बेला यहाँ पवन मैनालीले बोलाउनु भएको हुनाले म नेपाल आएर पिँजडा फिल्ममा अभिनय गरेँ । मेरो फाइट गर्ने शैली देखेर नै पवन मैनालीले मलाई फिल्ममा अभिनय गराउनु भएको हो ।

० नेपाली चलचित्रलाई एक्सन प्रधान बनाउनुमा तपाईको पनि प्रमुख हात छ । कस्तो महसुस हुन्छ ?
नेपाली चलचित्रमा पहिलादेखि नै एक्सन थियो । तर कम थियो । भुवन दाई र शिव दाईको एक्सनलाई महानायक राजेश हमालले परिवर्तन गरिदिनुभयो । लामो समय राजेश दाईको एक्सन चल्यो । राजेश दाईको एक्सनलाई म र विराजले परिवर्तन ग¥यौँ । दर्शकहरुले हामीलाई एक्सन नायकको रुपमा धेरै माया र साथ दिनुभयो । दर्शकहरुको मायालाई कदर गर्दै मैले धेरै डरलाग्दा एक्सनको दृश्य दिएको छु । दर्शकहरु मबाट माया प्रेम भन्दा बढी एक्सन दृश्य हेर्न चाहनुहुन्छ ।

० फाइटको सिन गर्दा कत्तिको जोखिममा पर्नुभएको छ ?
म धेरै जोखिम र दुर्घटनामा परेको छु । पहिलो फिल्म पिँजडामा कान्तिपुर पब्लिकेशनकोे ७ तले भवनबाट हाम फाल्दा नाकमा चोट लागि रगत बगेको थियो । ‘मायाको जाल’मा कारले ठक्कर दिँदा झन्डै मरेको थिएँ । हेलिकप्टरबाट हाम फाल्दा सन्तुलन बिग्रेर अन्तै पछारिन पुगँे । राम बलराम फिल्ममा भिलेनपट्टि बाइक उडाउनु पर्नेमा व्यालेन्स बिग्रिएर क्यामरा मेनपट्टि उडाउँदा क्यामेराको सिसा फुट्नुका साथै क्यामेरा मेनको दाँतै भाँचिएको थियो । फिल्ममा जतिसुकै सावधानी अपनाए पनि चोट पटक लागिरहन्छ । भगवानको कृपाले अहिलेसम्म सानो–तिनो चोटपटक लागे पनि शरीरको अङ्ग–भङ्ग अथवा अपाङ्ग भएको छैन ।

० पहिलो श्रीमती हुँदा–हुँदै तपाईंले किन नायिका सञ्चिता लुइँटेललाई दोस्रो श्रीमती बनाउनुभयो ?
म आफ्नो कुनै कुरा लुकाउन चाहन्न । मेरो घरमा श्रीमती हुँदा–हुँदै पनि मैले अरु कसैलाई माया गरे मन पराएँ । यो संसारमा धेरै पुरुषहरु छन् जो घरमा श्रीमती भएपनि बाहिर अरु कसैसँग प्रेम गर्छन् । मैले पनि प्रेम गरेँ । अरु लुकाउँछन तर म लुकाउँदिन । यत्ति फरक हो । प्रेमलाई लुकाउँदा समाजको नजरमा म चोखो हुन्थे होला तर उसैको मन त दुख्थ्यो होला नि । म कसैको पनि मन दुखाउन चाहन्न । त्यसैले मैले सबैले थाहा पाउने गरी विवाह गरँे ।

० दुईवटा श्रीमतीलाई मिलाएर राख्न सक्नुहुन्छ ?
म दूइटै श्रीमतीलाई उत्तिकै सम्मान र माया गर्छु । मेरो मनमा सधैँ नारीप्रति माया, प्रेम र सद्भाव छ । जहाँसम्म माया प्रेम रहन्छ त्यहाँसम्म सम्बन्ध मजबुत भइरहन्छ ।

० स्कुल पढ्दा कसैसँग प्रेम गर्नुभएको थियो कि ?
४ कक्षा पढ्दा एउटी केटीसँग प्रेम गरेको थिएँ । तर त्यो निर्दोष प्रेम थियो ।

० हिरो भएपछि तपाईंलाई कति युवतीहरुले प्रेम प्रस्ताव राखे ?
म एक्सन नायक, त्यही भएर पनि युवतीहरु मदेखि डराउँथे होला । मलाई भन्दा मेरो फिल्मलाइ बढी माया गर्ने युवतीहरु पाएँ ।

० तपाई यतिधेरै लोकप्रिय हुनुभयो कि तपाईको नाममा फिल्म नै बन्यो ‘निखिल दाइ’ । आफ्नो नाममा फिल्म निर्माण हुँदा कस्तो महसुस गर्नुभयो ?
हरेक मानिसलाई आफूले गरेको काममा लोकप्रियता पाउँदा खुसी नै लाग्छ । चलचित्र क्षेत्रमा प्रवेश गरेको छोटै समयमा दर्शकहरुको मन जित्न सकेकोमा आफुलाई गौरव लाग्छ । यस्तो लाग्छ कि दर्शकहरुले मबाट जे जति आशा गरेका छन् त्यो पुरा गर्ने शक्ति सधैँ ममा भइरहोस् ।

० अहिलेसम्म तपाईले केकति सम्मान तथा पुरस्कारहरु पाउनुभएको छ ?
मेरो सम्मान तथा पुरस्कारहरु भनेकै दर्शक हुन् । त्यो भन्दा ठूलो पुरस्कार अरु मलाई केही चाहिँदैन ।

० कलाकारबाट निर्देशक हुनुभएको छ । कत्तिको गाह्रो हुँदो रहेछ ?
कलाकारमा भन्दा निर्देशकमा बढि ज्ञान हुनुपर्छ । एउटा सफल निर्देशक हुनको लागि चलचित्रको बारेमा सबै कुरा जानेको हुनुपर्छ र निर्देशकमा दायित्व र जिम्मेवारी बढी हुन्छ ।

० तपाईको विचारमा फिल्म भनेको के हो ?
मेरो विचारमा फिल्म भनेको सेक्स जस्तै हो । जसरी सेक्समा गरिवदेखि धनीसम्मले उत्तिकै आनन्द प्रदान गर्छन् । त्यसैगरी फिल्म पनि गरिवदेखि धनीसम्मले उत्तिकै मनोरञ्जन लिने खालको हुनुपर्छ ।

० अहिलेका युवायुवतीको प्रेममा किन स्वार्थपना बढ्दै गइरहेको छ ?
यो समयको माग हो । अहिले हजुरबा हजुरआमाको पालाको समय छैन । समयले सबै कुरामा परिवर्तन ल्याएको छ । अहिलेको युवा युवतीको प्रेममा दुवैले आफ्नो आफ्नो मनको चाहना पूरा गरेका छन भने त्यो प्रेम कसरी स्वार्थ हुन्छ ? युवाले चाहेको माया युवतीले र युवतीले चाहेको माया युवाले दिएको छ । यो अहिलेको मायाको विकसित रुप हो ।

० के प्रेममा सेक्स हुनु जरुरी छ ?
हाम्रा बाबु बाजेको पालामा १५–१६ वर्षको उमेरमा पनि सेक्सको बारेमा थाहा थिएन । तर अहिले ५–६ वर्षको बच्चाले पनि सेक्सको बारेमा सबै कुरा बुझ्छ । सेक्स भनेको पुरा स्पीडमा गुडिरहेको गाडीजस्तो हो । चढ्न त धेरै मजा आउँछ तर बाटोमा सानो ढुङ्गा वा खाडलमा प¥यो भने गाडी ठूलो दुर्घटनामा पर्छ । सेक्स पनि त्यस्तै हो । सानो गल्तीले ठूलो दुर्घटना निम्त्याउन सक्छ । प्रेममा सेक्स हुनु राम्रो हो तर कुनै गल्ती र दुर्घटना हुनु भएन ।

० फिल्मले राम्रो व्यापार गरे पनि निर्माताको हातमा पुरा पैसा पर्दैन, किन होला ?
यसमा सरकारको ठूलो दोष छ । सरकारले कुनै पनि स्पष्ट नीति ल्याउन सकेको छैन । कुन हलमा कत्ति टिकट विक्री भयो त्यसको लेखाजोखा राख्ने काम त सरकारको हो नि । सरकारको नीति नियम स्पष्ट नहुँदा हलवालाहरुले विक्री टिकटको हिसाब पुरा बुझाउँदैनन् । फिल्मले १ करोड व्यापार ग¥यो भने निर्माताको हातमा ३० लाखमात्र पर्छ ।

० नेपाली नायक नायिकाको मेकअप सबै फिल्ममा एउटै हुन्छ किन ?
हामीसँग पर्याप्त बजेट छैन । फिल्म अनुसार आफ्ना बडी तथा गेटअप परिवर्तन गर्न हामीसँग भएको पैसाले पुग्दैन ।

० फुर्सदको क्षणमा के गर्नुहुन्छ ?
एक्सन मुभी हेर्छु । कसरी दर्शकहरुलाई नौलो एक्सन सिनहरु दिन सकिन्छ त्यही बारेमा अध्ययन गरिरहन्छु ।
(प्रस्तुती ः रामेश्वर आचार्य सागर)
Title: Re: Nikhil Upreti (Nepali Actor)
Post by: anand on April 20, 2015, 01:16:46 PM
निखिलको सुटिङ अनुभव– अनगिन्ती चोट, असंख्य घाउ


अहिलेसम्म डेढ सयवटा जति फिल्ममा अभिनय गरियो होला। तीमध्ये सुटिङका क्रममा चोट नलागेको फिल्म कमै छन्। फिल्म 'पिँजडा'मा सात तलाबाट हाम फाल्दा प्रेसरले नाकबाट रगत बगेको थियो।
यसकारणले सुटिङ केही समयका लागि रोकेका पनि थियौँ। सोही फिल्ममा फाइट गर्ने क्रममा ब्यालेन्स बिग्रिएर दाँत भाँच्चिएको थियो।'मायाको जाल' फिल्ममा कारले ठक्कर दिँदा बाल–बाल जोगिएको थिएँ। स्केटिङमा गुन्डाहरूले लखेट्ने क्रममा कार ठोक्किन पुग्यो। धन्न म बाँचेँ। कारको गति कम भएर बाँचेको हुँ। कार स्पिडमा भएको भए आज म हुन्नथेँ।

'भाग्यविधाता'मा रूखबाट जम्प गर्दा मेरो दाहिने खुट्टा भाँच्चिएको थियो। सन्तुलन बिग्रिएर एउटा ठाउँमा खस्नुपर्ने अर्कैतिर खसिएछ । एक महिना अस्पतालमा बस्नुपरेको थियो।
फिल्म 'धड्कन'को दुर्घटना सम्झिँदा अहिले पनि मुटु धड्कन्छ। हेलिकप्टरबाट जम्प गर्नुपर्ने दृश्य थियो। डर लागेको थिएन। जम्प हानेँ तर अन्तै खस्न पुगेछु, कार्टुनमाथि पछारिँदा धन्न जोगिएँ। तर, मेरा हातखुट्टामा धेरै चोटपटक लागेको थियो।

फिल्म 'राम बलराम'मा बाइक उडाउँदा 'क्याल्कुलेसन' बिगे्रर बाइक क्यामेराम्यानमाथि ठोक्किन पुगेको थियो। क्यामेराको सिसा फुट्नुका साथै हात र टाउकोमा चोट लागेको थियो। स्टन्टवालाका लागि त सुटिङ भनेको आत्महत्याको तयारी गर्नुजस्तै हुन्छ !

फिल्म 'धर्मात्मा'मा बाइकलाई उडाएर झ्यालभित्र छिराउनुपर्ने दृश्य थियो। बाइक उडाउँदा सिसाभित्र त छिरियो तर ब्यालेन्स बिग्रिएर चिप्लिएँ। घुँडा र चिउँडोमा चोट लाग्यो।

फिल्म 'अर्बपति'मा फ्लाइङ किक हान्दा ब्यालेन्स बिग्रिएर खुट्टा मर्किएको थियो। एक हप्तासम्म फिल्मको सुटिङ रोकियो।

फिल्म 'क्रोेध'मा साइड–फाइटरहरूसँग फाइट गर्दा तरिका नमिलेर मेरो मुखमा चोट लागेको थियो। केही दिनको आरामपछि मात्र सुटिङ गरेको थिएँ। सुटिङमा अनगिन्ती चोट र असंख्य घाउ लागेका छन्।

प्रस्तुतिः सुकृत
Title: Re: Nikhil Upreti (Nepali Actor)
Post by: tundikhel on June 26, 2015, 02:21:57 AM
Bhirav Trailer released

http://xnepali.net/movies/nikhil-upreti-comeback-in-bhairav-audio-report-and-trailer/

https://www.youtube.com/watch?v=1EDcspeqA_E

Title: Re: Nikhil Upreti (Nepali Actor)
Post by: tundikhel on June 28, 2015, 11:21:52 PM
Nikhil and Sanchita to be together in Champaion

http://xnepali.net/movies/sanchita-luitel-to-be-featured-opposite-to-nikhil-upreti-in-champion/

https://www.youtube.com/watch?v=OixExEhhuK4
Title: Re: Nikhil Upreti (Nepali Actor)
Post by: tundikhel on June 30, 2015, 09:00:55 AM
Sanchita in khatarnak

http://xnepali.net/movies/sanchita-luitel-becomes-a-bride-in-khatarnak/

(http://i0.wp.com/xnepali.net/movies/wp-content/uploads/2015/06/sanchita-luitel-in-khatarnak.jpg)
Title: Re: Nikhil Upreti (Nepali Actor)
Post by: tundikhel on July 05, 2015, 10:15:22 PM
‘जीवन सिर्फ जान्नको लागि हो’
निखिल उप्रेतीसँग गफगाफ
सुशील पौडेल


काठमाडौ, असार २० - केही वर्षदेखि मुम्बई बसेर संघर्ष गरिरहेका निखिल उप्रेती पुन: स्वदेश फिरे। उनी नायकमा मात्रै सीमित नभई निर्देशक समेत बनेर बनाएको फिल्म ‘भैरव’ भदौ ११ मा रिलिज गर्न जोडतोडले लागेका छन्। मुम्बई सिकाइलाई फिल्ममा प्रयोग गरेको जिकिर गर्ने निखिलले फिल्म सबै वर्गका लागि रुचिकर बनाउन खोजेको दाबी गरे। कुनै बेला एक्सन हिरोमा जमेका निखिलले आफ्नै कथामा बनाएको ‘भैरव’ मा पनि त्यही छविलाई दोहोर्‍याएर दर्शकसामु आउन लागेका हुन्।

यहींको राम्रो करिअर छोडेर मुम्बई हानिनुभयो, अहिले फेरि फर्कनुभएको छ। कतै त्यो बेलाको निर्णय गलत भयो भन्ने लागेको छ कि?

लागेको छैन। मैले यहाँ २०५७ मा ‘पिँजडा’ फिल्मबाट अभिनय सुरु गरें। तर नेपाली फिल्म खेल्नुभन्दा आठ वर्षअघिदेखि बलिउडमै काम गरिरहेको थिएँ। यहाँभन्दा चिनाजान मेरो त्यहाँ बढी छ। त्यहाँका १५/१६ फिल्ममा असिस्टेन्ट भई काम गरिसकेपछि यता आएको हुँ। मैले फिल्म नै पढेको थिएँ। मेरो क्लासमा रानी मुखर्जी, निर्देशक रोहित सेट्टी, आकाश पाण्डे, रजत वेदी लगायत आठजना थियौं। आफू त गरिबको छोरो। त्यहाँ बाँच्नको लागि पनि काम गर्नुपर्ने बाध्यता। जानेको मार्सल आर्ट थियो। र, त्यहाँका कलाकारलाई मार्सल आर्ट सिकाउन थालिसकेको थिएँ। मैले चाहिँ ज्याकी चाङले फिल्ममा देखाउने कौशल हेरेर सिकेको हो। पछि फाइट डाइरेक्टरहरूले असिस्टेन्टको रूपमा अफर गर्न थाले। त्यो बेला भारतमा मार्सल आर्टको प्रयोग कमै हुन्थ्यो। त्यो बेला मैले फिल्म ‘हम तो मोहब्बत करेगा’ मा नायिका करिश्मा कपुरको डुब्लिकेट बनेर स्टन्ट गरेको छु। अरू थुप्रै साउथ हिरोइनहरूको पनि। हिरोको चाहिँ बबी देवल, मिथुन चक्रवर्तीहरूको गरेको थिएँ। त्यो बेला २० वर्षको थिएँ। पछि यहाँ ‘पिँजडा’ काम गरेपछि एकाएक व्यस्त भएँ। मेरो पहिलेदेखिको सोच नै स्टार भएर बाँच्दिनँ भन्ने थियो। र विश्वास पनि गर्दिनँ। जीवन सिर्फ जान्नको लागि हो। जति जान्यो त्यति रिच हो। मान्छेहरू मरेपछि खाली हात जान्छन् भन्छन् तर म मान्दिनँ। उसले साथमा अनुभव पनि लिएर गएको हुन्छ। पवन मैनालीले पहिले नै मेरो मार्सल आर्टको क्षमता देखिसक्नुभएकोले खेल्न बोलाउनुभयो। त्यसपछि त व्यस्त रहें।

तपाईंले ‘पिँजडा’ अघि सोच्नुभएको थियो स्टार हुँला भनेर?

थिइनँ। र, मेरो हिरो हुने सोच पनि कहिल्यै थिएन। जीवनमा ड्रामा पनि नगरेको मान्छे, नाचगानमा भाग नै नलिएको मान्छे। म त ज्याकीको क्रेजी फ्यान भएकोले त्यस्तै बन्छु भन्ने मात्रै हो। आखिर एक्सपेरिमेन्ट गरेकै भरमा यहाँसम्म आइपुगें। मैले जानेको चाहिँ केही पनि छैन। न अनुहार हेर्दा हिरोजस्तो लाग्छ। तर हिरो बनाइदिने दर्शकप्रति एकदमै आभारी छु। ‘पिँजडा’ गरेपछिका लगातार ११ वर्ष त म व्यस्त रहें। चार/पाँच वर्ष त मैले लगातार २० घन्टा काम गरें। मेरो कुकुरनिद्रा भएकैले धानिएको थिएँ। त्यो बेला मलाई काम भनेपछि केही पनि नचाहिने थियो। एक सय फिल्म गरेपछि ब्रेक लगाउने सोच र योजनाअनुसार नै म मुम्बई गएको हुँ। तातिरहेको बेला टक्क छोडेर जानुको कारण नै मैले आफूलाई अपडेट गराउनु थियो। जीवनका बारेमा जान्नु थियो। साधना गर्नु थियो। गुरुहरूले पनि तन्त्र सिक्न हौस्याए। मेरो कुन्डलीमै जोगी बन्ने लेखिएको छ। र, जति पनि कमाएँ। मेरो बैंक ब्यालेन्समा केही पनि थिएन। खासमा जोगी टाइपकै थिएँ।

व्यस्त हुँदा तपार्इंमा कत्तिको घमण्ड पलाएको थियो?

कहिल्यै घमण्ड आएन। कसैले पनि हिरोइज्म देखायो भन्न सक्दैन। किनभने, मलाई हिरो कहिल्यै फिल भएन। हिरो हुनलाई पहिले आफ्नो मनको हिरो हुनुपर्छ। म मनकै हिरो बन्न सकेको छैन। मेरा कमजोरी मलाई नै थाहा छ नि। आफ्नो कमजोरी लुकाएर अरूलाई देखाउनुपर्ने जरुरी छँदै छैन।

जीवन बुझ्नकै लागि मुम्बई लागेको भन्नुभयो, कति बुझ्नुभयो त?

जोजस्तो छ त्यसले जीवन त्यस्तै गरी बुझ्छ। मूर्खले मूर्खै तालले बुझ्ने हो। मैले पनि पूर्ण बुझें भन्नु मूर्खता हो। तर एउटा जिज्ञासा, हामी पानीलाई देख्छौं तर वाष्पीकरण देख्दैनौं। बादल बनेको देख्छौं तर बादलभित्रको पानी देख्दैनौं। वर्षा भएपछि मात्रै देख्छौं। त्यसैगरी आमाको पेटमा हामी जानुको एउटा कारण छ। तर हामीले बुझेका छैनौं। शरीर वीर्यबाट बनेको होला तर आत्मा वीर्यबाट बनेको हैन। आत्माको हिसाबले हामी सबै समान हौं। रमाइलो के भने आमाको पेटमा कसरी गयौं र अन्त्य कसरी हुन्छ भन्ने हामीलाई थाहा छैन। जब हामीलाई सुरु र अन्त्यको कुरा थाहा छैन भने बीचको जीवन थाहा छ भन्नु ओभर स्मार्ट बन्नु हैन? सिक्ने हामी आफैंले हो। अर्को व्यक्तिबाट केही सिकिँदैन। गुरुले त खोलासम्म पुग्ने तरिका सिकाइदिने मात्रै हो, पानी पिउने त आफैंले हो। स्वाध्ययन नै हो। सबैभन्दा ठूलो ज्ञान भनेको आत्माआलोचना हो। म कति कमिना छु मलाई मात्रै थाहा छ।

भनेपछि तपाईं त पछिल्लो समय मुम्बई जोगी हुन पो जानुभएको रहेछ?

जोगी त सबै मान्छे हुनैपर्छ एक ढंगले। तर समाजले भनेजस्तो पहेंलो वस्त्र लगाएर चन्दन लगाउँदैमा जोगी हुने हैन। राजेश हमालको जस्तो हेयर स्टाइल बनाउँदैमा कोही राजेश हमाल हुन्छ? तर यहाँ गेटअपलाई बुझें। र, अर्को कुरा, यहाँका दर्शकले मन पराएको निखिलले उता गएर सानो भूमिकामा खेल्नु भनेको हाम्रो दर्शकको भावनामा चोट पुर्‍याउनु हो। खासमा म फिल्मसम्बन्धी प्राविधिक ज्ञान लिनकै लागि गएको थिएँ। जुन कुरा ‘भैरव’ मा देखिन्छ।

तर केहीले त दोस्रो विवाह गरेपछि लुक्न मुम्बई गएको पनि भनेका छन् नि?

भन्नेले त्यो पनि भनेका छन्। तर समय त्यस्तो पर्न गएको मात्रै हो। नत्र मेरा साथीहरूलाई पनि मुम्बई जानेबारे पहिल्यै थाहा थियो। विवाहकै कारण म भागिरहनुपर्ने जरुरी थिएन। बहुविवाह गरेको गल्ती त अझै पनि मसँग छँदै छ नि। कानुनबाट अझै पनि म भाग्न सक्दिनँ। सजायको भागिदार त अझै पनि हुन सक्छु। कानुनले त शारीरिक सजाय मात्रै दिने हो। आफूले सोच्ने सजाय अलग्गै छ।

तपाईंले त्यो गल्तीचाहिँ किन गर्नुभयो त?

ती कुरा योजनाबद्ध थिएनन्। प्रेममा परें। त्यसो त मेरो जीवनमा एउटै पनि बिहे नगर्ने सोच थियो। अहिले मेरै दुइटा भयो। अब प्रश्न उठ्न सक्ला, तेस्रो पनि होला त? हुँदैन भन्न सकिन्नँ। त्यो जोखिम रही नै रहन्छ। यही कुरा मेरा पत्नीको हकमा भयो भने पनि मान्नै पर्छ। प्रेम ऊर्जा हो। यसलाई नकार्न सकिँदैन।

‘भैरव’ कस्तो फिल्म बनाउनुभएको हो?

पूर्णत: देशभक्तिको। देशप्रेममा पागल भएको एक प्रहरीको कथा। भ्रष्टाचारविरुद्धको फिल्म।

प्रकाशित मिति: २०७२ असार २०
Title: Re: Nikhil Upreti (Nepali Actor)
Post by: tundikhel on May 20, 2016, 03:34:07 AM
https://www.youtube.com/watch?v=Dgkvj-rrzwA
Title: Re: Nikhil Upreti (Nepali Actor)
Post by: wild.rms on May 20, 2016, 07:09:20 PM
ok
Title: Re: Nikhil Upreti (Nepali Actor)
Post by: anand on April 11, 2018, 11:03:53 AM
https://www.youtube.com/watch?v=18mJp6IeR3Q
Title: Re: Nikhil Upreti (Nepali Actor)
Post by: anand on April 11, 2018, 11:05:01 AM
https://www.youtube.com/watch?v=7QTPLzrPGgc
Title: Re: Nikhil Upreti (Nepali Actor)
Post by: tundikhel on April 14, 2018, 11:24:10 AM
old interview

निखिल उप्रेती भन्छन– म प्लेब्वाई होइन, दुबै श्रीमतीलाई मिलाएर राखेको छु, दुबैको बीचमा बाँच्न चाहन्छु

 फिल्म लाइनमा लामो समय हराएर आउनुभयो कि, किन ?
– मैले सञ्चिता लुइँटेलसँग दोस्रो विवाह गरेँ, यसकारण हराएँ भन्ने यदि तपाईंलाई लागेको छ भने त्यो गलत हो । अहिले आएर मैले सञ्चितासँग गरेको विवाहको बारेमा स्केप हुन खोज्ने कुरा गलत हुन्छ । हो, त्यतिबेलाका लागि सामाजिक रुपमा मैले त्यस्तो नगरेको भए हुन्थ्यो होला । तर, त्यत्तिकै लागि देश छोडेर गएको चाहिँ होइन । कारण के हो भने, सयवटा फिल्म खेलेपछि मैले रेस्ट खोजेँ । मलाई फिल्म खेल्नु, सुपरस्टार बन्नु र वाहवाही कमाउनुमात्र छैन । मलाई त मेरो लाइफ चाहिन्छ । अक्सर कलाकार अर्काको वाहवाहीमा बाँच्छन्, आफ्नो बिर्सिसकेका हुन्छन् । दिनभर उफ्रिएर सुपर स्टार बन्छन्, रातभरि ढाड दुखेर सुत्न सक्दैनन् । मैले सोचेँ, त्यो वाहवाहीले मेरो लाइफ बिग्रिरहेको थियो । मलाई ध्यान र योगा चाहिएको थियो । म किसानको छोरोलाई उड्ने चाहना थियो । त्यसैले मैले हवाई जहाज नै उडान त जानिनँ । तर, स्काई ड्राइभर भएर आएँ । प्याराग्लाइडिङको एक्रो कोर्स पनि गरेँ ।

सञ्चितासँगको विवाह गलत हो ?
– होइन । शुरुमा जतिबेला त्यस्तो निर्णय मैले लिँदै थिए, त्यतिबेलाका लागि त्यो निर्णय गलत हुनसक्थ्यो होला । तर, आज हामीसँग हामीमात्रै छैनौँ,दुई सन्तान पनि छन् । त्यसैले आज त्यो गलत र सही भन्ने दिन होइन । मैले कोपिला र सञ्चिताजस्तो जीवन साथी पाएर जुन सुखी जिन्दगी पाएको छु, दावा गर्छु अक्सर कुनै केटा मान्छेले त्यस्तो जिन्दगी विरलै पाउँछ ।

अरुलाई पनि यस्तै गर्न भन्नुहुन्छ ?
– यस्तो कसैले गर्नुहुँदैन, गलत हुन्छ । कानुनी रुपमा गलत हुन्छ, सामाजिक रुपमा गलत हुन्छ ।

 तपाईंले चाहिँ किन गर्नुभयो त ?
– मेरो लाइफको फिलोसपीसँग त्यो कुराले सरोकार राख्छ । मलाई मान्छेले प्लेब्वाई पनि भनेँ । तर, आजसम्म म कहिले पनि यसलाई पट्याउँछु, त्यसलाई फकाउँछु भनेर हिँडिनँ । हो, कुनै बेला सज्जासँग मेरो चर्चा चल्यो । आज सज्जा आफ्नो परिवारसँग खुशी र सुखीसँग बसेकी छ । बीचमा श्वेता तिवारी आइन्, उनले मेरो लागि प्रेममा पागलपन देखाएर गइन् । मलाई उनीबाट बच्न निक्कै मुस्किल भयो । त्यसपछि सञ्चितासँग भेट भयो । म यसबाट भाग्न सकिनँ । प्रेम थियो । प्रेमले आखिरी मोड पाउनुपथ्र्यो पायो पनि ।

 कोपिला र त्यतातिरका सन्तानका लागि त अन्याय भएन ?
– अन्यायमात्र हैन, अपराध पनि भयो । तर, मैले मेन्टेन गरेँ । आजको दिनमा मैले दुबैको माया पाएको छु, दुबैलाई माया दिएको छु ।

 यस्तो चलनलाई के भन्नुहुन्छ ?
– हाम्रो सोसाइटी ब्याकडोरबाट चलेको हो । अगाडिबाट इमान्दारिता छ,पछाडि ९० प्रतिशत बेइमानको झुण्ड छ । डान्सबार जानुस्, तपाईंले बिहेबारी भएका मान्छेबाहेक कोही भेट्नुहुन्नँ । टिनएजर्सलाई तपाईं कहिले पनि त्यहाँ भेट्नुहुन्न । पुलिसले होटेल रेड गर्दा को समातिन्छन् ? अर्काको श्रीमान्सँगअर्काकी श्रीमती , यसलाई ब्याकडोर सोसाइटी भन्छन् । यहाँ त घरमा एउटी श्रीमती देखाएर बाहिर चारवटीसम्म पाल्ने मान्छे छन् । कम्तिमा मैले घोषितै रुपमा दुईवटी श्रीमतीलाई मिलाएर राखेको छु र कुनै तेस्रो महिलासँग मेरो त्यस्तो सम्बन्ध छैन । भन्नुस् कि, कोपिला मेरी श्रीमती हो भन्दै मैले बाहिर रिता, गीताहरुलाई राख्नु इमान्दार हुन्थ्यो ? कदापि हुँदैन ।

रेखा थापासँग इगो थियो । अहिले कस्तो छ ?
– जब म इण्डिया बसेर फर्किएँ, तब यहाँका पुराना इगोहरु सब बिर्सिएर काम गरुँ भन्ने लाग्यो । भैरव फिल्मका लागि एउटा आइटम गानाका लागि मैले रेखालाई अफर गरेँ । ‘हुन्छ’ भनिनँ । पछि उनले गरिनन् । अनि थाहा पाएँ, नगर्नकै लागि पहिला गर्छु भनेकी रहिछन् । ‘निखिल आयो, मलाई घरमै आएर फिल्मको अफर ग¥यो, मैले मानिनँ’ भनेर मिडियाबाजी गर्नका लागि उनले यस्तो हर्कत रचेकी रहिछन् । म झुक्ने कुरामा कहिल्यै पनि लाग्दिनँ । रेखासँग कुनै रिस,द्वेष छैन । मलाई देखाएर मिडियामा प्रपोगण्डाबाजी रच्ने काम भयो, त्यसको पनि जवाफ दिने कुनै दिन आउला ।

 सांसद हरि दाइसँग कत्तिको भेट हुन्छ ?
– म प्रायः विहानको खाना दाइसँगै खान्छु ।

 बस्नचाहिँ कोसँग बस्नुहुन्छ ?
– म दुबै श्रीमती बस्ने ठाउँको बीचमा बस्छु । ता कि, मैले दुबैलाई उत्तिकै माया दिन पाऊँ, दुबैबाट उत्तिकै माया पाऊँ ।
Title: Re: Nikhil Upreti (Nepali Actor)
Post by: samir211 on April 14, 2018, 12:15:56 PM

yo bhanda  dope interview
aru kunai chaina
https://www.youtube.com/watch?v=TGY9FGCX5uA
Title: Re: Nikhil Upreti (Nepali Actor)
Post by: samir211 on April 14, 2018, 12:34:19 PM
Abhay Deol Rohit Shetty ko action guru
:D

https://www.youtube.com/watch?v=qAGT5pnEbxM
Title: Re: Nikhil Upreti (Nepali Actor)
Post by: tundikhel on April 15, 2018, 01:40:28 AM
yo bhanda  dope interview
aru kunai chaina


Title: Re: Nikhil Upreti (Nepali Actor)
Post by: samir211 on April 26, 2018, 07:14:55 PM
feri pani tops interview
https://www.youtube.com/watch?v=iiL-Wrlhzik
;)
Title: Re: Nikhil Upreti (Nepali Actor)
Post by: anand on March 23, 2019, 07:48:25 AM
https://www.youtube.com/watch?v=zUnyvbdPxxs