Nepali Community Forum

xNepali Forum => Fun Stuffs / Literature => Topic started by: tundikhel on March 10, 2017, 10:48:19 AM

Title: धर्मराज थापा (Dharma Raj Thapa) Songs
Post by: tundikhel on March 10, 2017, 10:48:19 AM
आज मादल बजेको किन?
गाउँघर दुनियाँ बिउँझाउन

सानो सानो रानीचरी लेकैबाट झर्यो
वल्लो गाउँको नौलो भाखा पल्ला गाउँमा सर्यो
परदेशीले खोला तर्यो उँधै दोभानैमा
वैंश चढ्यो लालुपाते फूलको जवानीमा

रातो सेतो गुराँस त्यो लेकैमाथि फुल्यो
सात रंगी इन्द्रेणीको नयाँ बाटो खुल्यो
घाम गए परैपरै छायाँ खसालेर
माया फर्क्यो वरवरै प्रीति अंगालेर

पात झर्यो फूल छैन गोलाइँचीको रुख
मुस्कान मर्यो आँसु छैन अँधेरै छ मुख
मेरो राजै यो देशको माया गरी बस

मोहनीले घरको माया पर लान हैन
दुखसुख झन्झटले भागिजान हैन
अर्कैको भाग्यतिर लोभिएर हैन
इष्टमित्र बन्धुसित टोलिएर हैन

शब्द, स्वर, संगीत – धर्मराज थापा

https://www.youtube.com/watch?v=Y8HNPxlbSP0
Title: Re: धर्मराज थापा (Dharma Raj Thapa) Songs
Post by: tundikhel on March 10, 2017, 10:49:27 AM
हो है ह ह!

हरियो डाँडामाथि हलो जोत्ने साथी
हो हो माले हो हो, हो हो तारे हो हो

ह ह ह ह ह ह हो र!
चाम्रोमाटो माथि बाल्दै मनको बाती
डल्ला फर्काई‍ फर्काई ढाड मर्काई मर्काई
हो हो झुले हो हो हो हो लुरे हो हो

पख् पख् पख् पख् पख् पख् पख् पख् ह!
अनौं हलो समाई बाँझो खान्छ कमाई
हिउँद वर्षाभरि जोत्छ यसै गरी
हो हो तिर्खे हो हो हो हो तारे हो हो

त त त त त त रे हो!
त्यतिका दिन गयो बसेर के भयो
काम गर्ने दिन सबै भाइ हिंड
ह ह ह ह ह ह ह ह
हो हो माले हो हो
हो हो तारे हो हो

शब्द, स्वर, संगीत – धर्मराज थापा



https://www.youtube.com/watch?v=KjtzElAWxxM
Title: Re: धर्मराज थापा (Dharma Raj Thapa) Songs
Post by: tundikhel on March 10, 2017, 10:50:24 AM
https://www.youtube.com/watch?v=zuAIeahv2so

साइली रिमै चौरी गाई झर्‍यो रिमै मधुवनैमा

उकालीमा जाँदा जाँदै दाइने पर्यो बर
वनमा एक्लै गाई चराउने काँ हो तिम्रो घर

वल्लो खोलो पल्लो खोलो कमिलाको गोलो
बाह्रमासे फूलको सारी मखमली चोलो

स्वर राम्रो कम्पनीको अक्षर राम्रो दामको
कोही बोलेको माया लाग्ने कोही त बिना कामको

हुक्का मेरो सानु सानु नली हात्ती हाडको
यो त भाका ह्याँको हैन पूर्वी पहाडको

शब्द, स्वर: धर्मराज थापा


नेपालीले माया मार्‍यो बरिलै
जन्मेको देशलाई नेपाली भेषलाई
नेपालीले माया मार्‍यो बरिलै

हिडेको बाटो बारीको माटो
हसियाँ नाम्लो मकैको आँटो
वनको सिठी मेलाकी ठिटी
ऐंसेलु दाना दिउँसोको खाना
नेपालीले माया मार्‍यो बरिलै

मागेर डुल्छन् आतका भाइ
अरुकै निम्ति लड्दछन् दाइ
रोप्दैछौं हामी काट्दैछौं हामी
दाइँ हाल्छ अर्कै पाखाकै आई
नेपालीले माया मार्‍यो बरिलै

दार्जिलिङ आसाम बर्माको गोठमा
भाक्सुर सिम्ला लासा औ भोटमा
भै चौकीदार गोठाला कुल्ली
जिन्दगीभर परदेश मै हल्ली
नेपालीले माया मार्‍यो बरिलै

अरु देश सबै जागेर उठे
हाम्रो त आँखा चिम्लेर सुते
कोही देहरादुन कोही नैनीताल
कोही राँची कुर्दै बिताउछन् काल
नेपालीले माया मार्‍यो बरिलै

कुवाको पानी मिलेर पिउँला
आमाको छाती कोरेर जिउँला
बिरानो देशका लागेका भाइ
फर्केर हेरिदेऊ नेपाललाई
नमारीदेऊ मायाप्रीति बरिलै

शब्द, स्वर, संगीत – धर्मराज थापा