Author Topic: Sarubhakta Poems (शरुभक्तका कविता)  (Read 4087 times)

0 Members and 1 Guest are viewing this topic.

tundikhel

  • Global Moderator
  • ******
  • Posts: 15960
Sarubhakta Poems (शरुभक्तका कविता)
« on: February 21, 2015, 04:21:47 AM »
युद्ध र शान्ति

यथावत संत्रंmमण
लामखुट्टे तुफान चलेको वेला
रोल्वालिङतिरका च्छो रोल्पाहरुमा
आइपुगेका छन् उड्ने प्याउराका
अन्तहीन वथानहरु
हत्याको फरमान जारी छ
यसर्थ गंगटाहरुको जुलुश निस्केको छ
जिन्दगीको मृत्यु शडकहरुमा
उः ! सलहहरुले धावा वोले
खोई कहाँ छन् च्वे ग्वेभेराका टाटु
पाखुरामा अङ्कित गरिहिड्ने
दूव्र्यसनी जन पुस्ताहरु ?
आजभोलि पशुहरु सर्कसमा
मान्छे नचाउँछन्
सुम्सुद्दीनहरु आएका छैनन् फिरङ्गीहरु आएका छैनन्
देश कस्को कब्जामा छ ?
देशवासीहरुलाई थाहा छैन
गाउँमा हावा चल्दैनन् गोली चल्छन्
काहुलेवासी बाबुआमाहरु रुवावासी गर्छन
देवताहरुको मृत्युमा
‘धुमकेतु ÷ पुच्छ«्रेताराहरुको उपस्थितिले
देशमा धनजनको क्षति’
आह ! नेताहरुद्वारा मोहभङ्ग जनताहरु
ज्योतिषीहरुका शरणमा छन्
हामी वीरमात्र छैनौं बुद्धिमानपनि छौं
यसर्थ संविधानका एक एक धारामा
मत वजाउन समर्थ छौं
युद्धका इतिहास धेरै लेखिए …
अब कहिलेदेखि शान्तिको इतिहास लेखिने हो ?


****
अकल्पनीय देशको यात्रा



‘के इतिहास
चक्रीय सिद्धान्तनिष्ठ छ ?’
पुनरावृत्तिमा लिगलिगकोटे युगहरु
प्रतिश्पर्धा दौडमा छन्
छुमन्तर ! गोर्खाली जिनका रसायनिक भाषाहरु
खोई हुस्सुले छेकेको घाम
कहाँ ‘ब्रेनड्रेन’ भई हिडेको छ ?
युग वदलियोः हामी एक अकल्पनीय
देशको यात्रमा छौं
कायरहरु धेरैपल्ट मर्छन् हामी बहादुरहरु
एक एकपल्ट मर्दैछौं – ‘ भटटटटटट ….’
को मूर्ख ? वर पाउने भष्मासुर कि
वरदिने महादेव ?
गुहेकीरालाई गुहेकीरा के भन्नु
ती स्वर्गीय नर्कका वासिन्दा हुन्
युगीन आवश्यकताः आजभोलि घाँटीमा क्रश
टाँगिन्छन्, क्रशमा यशूहरु टाँगिदैनन्
नाथुरामहरु कहिल्यै गान्धी बन्दैनन्
गान्धीहरु भकाभक नाथुराम बन्दैछन्
ए ! देशमा सवै बहुलाएको वेला
त्यो मान्छे किन सद्दे कुरा गरिहिड्छ
वेफ्वाँकमा ?
हिउँदेयाम
आउ मौकाको घाम तापौं
अनि कत्लापरेका फोहोरहरु सुकाऔं !
***

आकाशदीप


जीवन अटोप्सी
त्रासद समयका गाथाहरु
प्रत्येक दिन प्रत्येक रात
विग ब्याङ घोषणाहरुको देशमा
बोक्सी घोषित आमाहरु
छोराहरुबाट गु–मुत ख्वाइएका छन्
ब्लेकहोलका आलोक
बिचरी श्रीषाहरु हराए साता गुरुत्वाकर्षणका
साना पृथ्वीहरुझैं
हेर ! एड्सग्रस्त सूर्यहरु सेता÷काला
ड्वार्फहरुमा परिवर्तित हुँदैछन्
हाइपोथर्मिया ःजीवनका गीतहरु
वदिनी पीडा विहिन पुङमाङ कान्छाहरु
सधैं विदेशी पर्वतमहोत्सवहरुमा व्यस्त छन्
कोरा गर ! कोरा गर !
डोल्मा भञ्ज्याङ पार
क्याथल्यावका सम्प्रतिहरुमा ओहोरदोहोर छन्
मौन हत्याराहरु
बबलगम एले
जीवनका प्याङहरुमा कता हराए
हाम्रा स्पाइडरम्यानहरु ?
आजभोलि डाँफेबूढाहरु
सिसायाङमा हिमालहरुतिर वसाईसराईमा छन्
आह ! अल्पाइन शैलीका हातमोलाईहरु
भूगोलको एउटा मृतदेश
सम्बैधानिक व्याख्याहरुमा अलमलिएका छन् मलामीहरु
मेथमेटा–पानी हुँडार
प्रतिगमनका सन्त्रासहरु
खोई कुन क्षेप्यास्त्रवादीलाई सोधुँ
शान्तिको रङ्ग कस्तो हुन्छ ?
क्रायोनिक्स–सामुन्द्रिक ग्वालाहरु
गाँजाखेतीमा व्यस्त छन्
हेर ! लुब्रका जियोकोन्डाहरु सधै
वाङदेलप्रजातिका प्रतीक्षामा छन्
समय ः कफ्र्यू आदेश व्यस्त छ
म छातीमा जमरा उमारेर
कुन सिरेटो स्वप्नभरी आकाशदीप वलिरहेछु ?

****

पहाडहरुको मृत्युः घाटेवैद्यहरु
रगतका वीभत्स छिटाहरु पोतेर
प्रेमपत्रहरुको तस्करी गर्दैछन्
फेरि युद्धविराम फेरि युद्धका सन्त्रासहरु
दुर्दान्त वैताल तालहरु
वन्दी वेपत्ता अनुष्ठानः मण्डलेदेखि कमण्डलेसम्म
दिमागमा खाक्सी लाएर
सफाया अभियान चलेको छ
उः ! सभ्रान्त भूतवङ्गलावासीहरु
सधैं गोलमेच सम्मेलनका तयारीमा छन्
हरे तिलौराकोट ! समयमाईको सेरोफेरो
भग्नावशेषहरुका चुल्हो बल्दैनन्
युग कक्कडे बूढाहरुको होइन साइवरे ठिटाहरुको हो
त्यसैले आउ, कालाकाला दिनहरुको संवरणमा
हामी एक रिक्त र अतिरिक्त देश सिर्जना गरौं
हल्ला व्यवस्थापनः गुणसुत्र नभएका मानिसहरु
पोष्टकार्डका हिमाल चढ्दैछन्
सारङ्गीहरु हाँस्न जान्दैनन्
वेताल कान्छाहरु गीतभनेर के–के हो
आवाज निकाल्दैछन्
मानिस के हो ? मानिस एक जैविक हतियार हो
युद्धमा जानु छ भने पहिले क्राइओ वैंकगई
आपूmलाई सुरक्षित पार
चिहानमा सुत्ने मन थियो चिहानपनि
वमले ध्वस्त छ
साले जिन्दगी ! प्रत्येक मानिस मर्दा मानिस मर्दैन
ईश्वर मर्छ, के भो र !
फेरि प्रेमदिवस ?
एक हुल पितृधातीहरु आमाहरुको बलात्कारमा निमग्न छन्
मार्कर स्टोनहरु हराएर
गोलार्धका सवै देश आमाहरुमा आँसुले
भिजेका छन् ।


****

मान्छे भनेको ...



ब्रह्माण्डमा महाविस्फोट छः देशमा
वमविष्फोट छ
पहाडहरुका मन
भैचालाका शान्तिहरु रोएका छन्
हेर ! हेर ! असनका साँढेहरु
फ्रायडका दुःस्वप्नहरुमा
यौनाङ्गवादी प्रेमरचना गर्दैछन्
डेथ जोनः खरपसकालीन मनस्थितिमा
चराहरु वसाइसराइ गर्दैछन्
दाँतेका दैवी सुखान्तहरु
परिवर्तित रेशम वाटाहरुभरि छन्
छानोमाथि विस्कुन सुकेको समय
वाटो–दोवाटो गिलेटीन र भूमिगत सुरुङका
सन्त्रास छन्
किन अदृश्य वायुमा वृथा फरफराइरहेछन्
प्रेयर फ्ल्याग – प्रार्थना झण्डाहरु ?
स्विमिङ सुट जनरेशनः फेरि एक्सिस
पावरका संघनन्हरु
अझै पनि मोनालिसाको मुस्कानमा अल्झेका छन्
मरन्च्याँसे सभ्यताहरु
आउ, कार्टुनहरुको नदीमा हाम्फालौ
अरुसित कुन्नी के–के छन्
हामीसित मैलाका सुनखानीहरु छन्
मकैका सुलीः सहस्र दूधका मुन्टाहरु
थुक्क ! प्रकृतिवेदनामा सन्तानोत्पादनका
कुरीकुरी खेलहरु
‘शरणार्थी देवताहरु फिर्ता आ ! आक्रमणकारी
दैत्यहरु फिर्ता जा !
ह्रासोन्मुख उचाइ – विश्व उचाइ मापनमा
हामी लिलिपुटका मान्छेहरुभन्दा होंचा भइसकेका छौं
जिन्दगीमा केही गर्न सकिएन ? त्यसोभए
नाङ्गै हिडौं !
हेर आफ्नै मनका जाँतोमा पिल्सिएर
धुलो वनेका छन् सपनाहरु
न ठोस न तरलः मान्छे भनेको ग्याँस हो
यसर्थ नतर्साउ, वुख्याँचाहरु वुख्याँचाहरुलाई
तर्साउन सक्दैनन् !


****

शसक्त



कालो कालखण्डः दिब्योपदेशका क्षतविक्षत आत्माहरु
कुहिरो दूर्घटित छन्
अनिदो मनको देश चितास्तम्भ जलेका छन्
खोई कहाँ लागे हाम्रा राष्ट्रनिर्माताहरु ?
सम्यताहरुको युद्ध ः ढुङ्गा वर्सिने घरहरु
हेर ! हेर ! वाइबल हातमा लिइहिड्ने जुगाहरु
भागवत् व्यापारमा व्यस्त छन्
ब्रेनड्रेनः गुरुकुलीय व्यामोहहरु
हामी जीउमा मइलका कत्ला बोकेर सेतो
मत्स्येन्द्रनाथको महास्नानमा ब्यस्त छौं
भुरेटाकुरे भावुकता ः त्रिशंकुयुगीन धुपधवाँर
मस्तिष्कहरु मस्तिष्कहरुको युद्धमा छन्
विश्वलाई हामीले सम्वुद्ध दियौ
सट्टामा विश्वले हामीलाई डलर र येन दिदैछन्
राइटर बाजेः के हाम्रो सगरमाथा विदेशतिर विक्रीमा छ ?
हामी हरुवा तर वीर सत्रुका सन्ततिहरु
कुन आठपहरिया कमाण्डो जागिरमा छौं ?
आह ! अग्निपरीक्षाहरु अग्निपरीक्षामा छन्
यसर्थ आजभोलि देशमा शक्तिहरु हिड्छन्
नागरिकहरु हिड्दैनन्
सत्रुहरुको देश कहाँ छ ? त्यही जहाँ हामी
एकअर्काका मित्र छैनौं
देशमा नरसंहार चलेको छ त्यसैले आउ
सस्ता खप्परहरुका महङ्गा प्लान्चेट खेलौं
ए ! के सुरक्षामा छन् असुरक्षित सुरक्षाकर्मीहरु ?
जाउँ वरु खाडीतिरै, भविष्य भेटिन्छ कि ?
वेल्जियमबाट आयातीत सशस्त्र ऐनाहरु
हिमालवाट बग्दैनन् रगतका नदीहरु ।

***

जीवन = नौका
पीतसागरमा दुर्घटनाग्रस्त छ
नौसैनिकहरु लापता छन्
बुटिकका
खप्तडका बाबाहरु
साइवर प्रेम÷घृणामा व्यस्त छन्
खोई कहाँ पुग्यो विश्वतापमान ?
म हरितगृहतिर बसेर
इत्ना ओजन विनासको तमासा हेर्दैछु
सुरुङभित्रको पृथ्वी
गिरफ्तार मनोकामनामा ज्क्ष्ख् सेलिब्रीटी जन्माउँछन्
म हिमतालका आकाशेपुलमा सिरुवा मेला पो भर्दैछु
कासनोभा ः रतीरागका ओशोतपोवनहरु
संकटकालीन वत्ती घोखा परेको छ
आह ! यो सैतानहरुको दुनियाँमा
गुनासो पोखुँ म कुन ईश्वरसित ?
सरिया कानुन ः सुनाखरी फुलेको छ
मत्ताहात्तीका विगविगीमा
विद्युतप्रवाहित छन् हात्ती सुँढे माछाहरु
क्योटो प्रोटोकल ः ट्याङ्करमा पानी चुहिएको छ
आउ, हामी निर्वासित मनहरु वोकेर
वम वोकेका हिमलहरुलाई विदाई गरौं
सावुनका स्याउ खाएर
हिउँ फुलेका रुखहरुले कायाकल्प पर्खिरहे
आजभोलि समयहरु पृथकतावादी कब्जामापो छन्
साम्वा नृत्य महोत्सव
कहिले हुन्छ झलकमानदेखि फत्तेमानसम्म ?
म त सुन्दर कविता रच्ने
कुरुप कविहरुद्वारा उत्पीडित पो छु
वर्मुडा त्रिकोण ः सगरमाथाहरु हराएका छन्
अद्यापि लिङ्ग र जलहरीहरु
खोजीदस्ता जन्माउने प्रतीक्षामा
प्रतीक्षित छन्


****

जिन्दगी
एस्–ट्रेभित्रका विद्रोहहरु
ताप्केबाट उम्कन खोज्दा भुङ्ग्रोमा
शुभ–साइत दुर्भाग्यहरुको
च्याउको रुख चढ्दै
गलगाँड सुन्दरीहरु रगतको नदीमा
माछामार्दै छन्
वन्दी प्रत्यक्षीकरण रिटः मिसिलविना
औद्योगिक जोगीहरु सुरुङभित्र धरहराहरु
उत्पादन गर्दैछन्
अवशिष्ट गौरवगाथाः जाउँ वरु भाडाका
टट्टु वनी विक्नलाई
हामीसित देशमा वालसैन्य छँदैछ
काञ्जीहाउस इफेक्टः सन्निकट शनीका घेराहरु
टेलिस्कोपमा आँखालाई हेर प्रत्यक्षकृत
हुनेछन् – अन्तरिक्ष गोरुगाईहरु
ग्रामिण महाभारतः एउटा सिङ्गो जाती
देश छोडेर कता जाँदैछ ?
सम्प्रति मृत्यु उत्सवहरुमा के जिन्दगीका
भाउ लाइदैछन् ?
जिन्दगीको हाटबजारः सस्ता बमहरु विक्रीमा छन्
के गर्ने, रानीपोखरीहरु देखिन्छन्
आँसुपोखरीहरु देखिदैनन्
द सेकेन्ड सेक्स – भाइटल नापका विस्फोटनहरु
किन एउटा सिङ्गो मानवमा
गुणसुत्रहरुमा विभाजित छ ?
नकरा !
कति ‘बुद्ध ! बुद्ध !’ कराइरहेको
आजभोलि बुद्धभन्दा कम्प्यूटरहरु
ज्ञानी छन् ।

tundikhel

  • Global Moderator
  • ******
  • Posts: 15960
Re: Sarubhakta Poems (शरुभक्तका कविता)
« Reply #1 on: February 21, 2015, 04:27:56 AM »
पीडाका याम हरू


मायामन्दिर
ढुङ्गाका मनहरु रोएर
हामी समयका प्रायोरीहरु निर्माण गरिरहेका छौं
जिन्दगीका त्रासदीगाथाहरुमा
नरभक्षीहरुको अवतरण छ
पीडाका यामहरु टेकेर भगुवा विश्वासहरु
ज्वालामुखी पर्वततिर लागे
जाउँ, वसाईं सरौं अन्तरिक्षतिर
अहिले नेपालमा बस्नु ठीक छैन
वेवसाइटमा थोत्रिएको देश
सभ्यताका जंगलहरु आवाद छन्
आह ! अहिले हामी हिमाल होइन
हिमालको छाँया आरोहणमा व्यस्त छौं
गेलापेगस टापुका वासिन्दाहरु
व्यर्थ देशका व्यर्थ सम्वेदना वाँच्दैनन्
किन हामी जिन्दगीको मृतसागरमा
पूरै जीवित छौं ?
जिन्दगीको स्पेक्ट्रमः रङ्गहरुले धोखा दिन्छन्
नाथे जिन्दगी – जिन्दगीको अर्थ
खोज्दाखोज्दै सकिदोरहेछ
रछ्यानका स्वर्गहरुः कोकशास्त्रीय हेराइहरुमा ठोक्किन्छन्
आह प्रेम ! रोष्टपरी झुण्डिएका छन्
जिन्दगीका यौन बजारहरुमा

****

रास्ट्र गान


अग्निमाला
नवः हिमयुगीन अर्घेलाहरु
सिमिट्रीमा रेटिसेन्ट बालहरु
आरोहण गर्छन्
मेथाडोन खाएका हुडिनीहरु
साइवरकोष्टरमा
अपरेशन डेजर्ट स्ट्रोम गर्छन्
गन्धका नाताहरु उस्तै छन्
मात्र नात्रेड्यामस विश्वमा
प्राविधिक गडवडीमा क्षमाप्रार्थनाहरु
आतङ्कका हिमाल चढिरहेछन्
ए हाम्रा सभानाहरु
अल्ट्राभ्वायलेट क्यामेरातिर
कति छन् अदृश्य जोखिमहरु ?
टेलिस्कोप भिरेका गिद्धहरु
शोकेसभित्रका कुकुरभुकाई सुन्दैछन्
उ ः ! परभक्षी आतङ्कका हल्लाहरु
आजभोलि मन्दिरैमन्दिरको देशमा
देवताहरु शरणार्थी बनेका छन्
‘कुकुरदेखि सावधान !’ गिदीमा भ्रम टाँसेर मान्छेहरु
मान्छेहरुद्वारा सावधान छन्
‘भैचालो आउँदैछ ! भैचालो आउँदैछ !’
एउटा सम्भावित भैंचालाको सम्मानमा
मान्छेहरु घर छोडेर कटेरो निर्माणमा
ब्यस्त छन्
‘विद्युतीय धरापमा नपरे फेरि भेटौंला !’
‘सुरक्षा कारवाइमा नपरे फेरि भेटौंला !’
संकटकालमा झ्याप्प निभ्ने संकटकालीन बत्तीहरुमा
एउटा सिङ्गो पुस्ता गीत गाइरहेछ
स्वराष्ट्रिय


****


तारक  युद्ध

उत्सव
भुक्ने पदार्थहरु जंगली राग अलाप्दैछन्
खोई कहाँ हराए नाङ्गेझार
नियमापत्ति अनुचिन्तनहरु ?
ग्रेट मार्च – पशुहरुको महायात्रा
गोहीभोज चल्दैछ
ए सूक्ष्मजीव विश्वका स्थूल मान्छेहरु
परभक्षी सिंह÷वाघहरु दाँत माझ्दैनन्
माउथ ब्रिडिङः महेन्द्रगजहरु जन्मन्छन्
यसर्थ इतरपशु मान्छेहरु
गतिसीमा बढाउँछन्
स्काई थिएटरतिर
आह जिन्दगी ! मुल्तवीमा परेको छ
नभए ब्लफकलमा अडेको छ
क्रस फायरिङः हावाहरुको नृत्य
ए ! भ्रष्टाचारी हरिपाण्डेहरु के गर्दैछन् ?
सिंहदरवारः सार्वजनिक पागलखाना
कुर्सीमा छारेरोगीहरु बस्छन्
यसर्थ हाम्रो देशमा घटनाहरु घटित हुँदैनन्
दूर्घटनाहरु मात्र घटित हुन्छन्
पिट्यूटरी हराएका मस्तिष्कहरुः आन्दोलन गर्न सक्छन्
शान्ति, विकास र अमनचैन ल्याउन सक्दैनन्
ठाइला ! मनका अन्तरिक्षयानहरु हाम्रापनि छन् नि हौ
त्यसैले तारकयुद्ध गर्न जाऔं
धर्तीको नाभी तातै छ
के वस्नु यो आकाशमा खोई !

***

पीज्जा


शव्दसमाधिः समाधिस्थ मनका टाइकुनहरु
अक्षरहरुका कोर्रालाएर
अजन्मा डाइनासोरसहरुको गीत गाउँछन्
घोष्ट डिटेक्टरः उपद्रयाहा जीनहरु
के रोहवरमा दीपेन्द्र सिन्ड्रोमहरु जन्माउँछन् ?
राक्षसी क्लोनका नेताहरु
छाडा देवताका विरासत धान्दैछन्
पाइथागोरसहरु ‘म्युजिक अफ द स्पेर’ मा मदमस्त छन्
उदाङ्गो छातीः लोपेजमुद्राहरु
कुन अस्पतालको टेविलमा चलिरहेछ
हेलिवन अप्रेसनहरु ?
पाइलापाइलाका गोमनहरु
नीलकाँडाका प्रेमहरुमा मस्त छन्
भयानक सौर्य विस्फोटन ?
आउ, उल्काहरुको भोगटे टिपौं
उ ! खलास परेको सम्वेदनशीलतामा
मन्त्रीहरु जनताहरुका मित्र्याँस फ्राई गरिखाँदैछन्
गीता हराएको जिन्दगीः बेचिएका चेलीहरुको राष्ट्रविद्रोह
भड्किएको छ
मुक्तकमैयाका राष्ट्रियताहरु जिन्दगीको शीतलहरमा
कठयाङ्ग्रिएको छ
देश मृत्युशैयामा छ सरकारहरु हनिमुनमा ब्यस्त छन्
आह ! ऐतिहासिक गोरुहरुले देशलाई पिज्जा खाए
पहाड जलेको छ, उपत्यका जलेको छ, तराई जलेको छ
अद्यापि कविहरु हिमालका गीत गाइरहेछन्
भ्रष्टाचार गर अनि अख्तियारको हाकिम वन
कुरै खत्तम
रोष्टपरेको जिन्दगीः हामी आपूmलाई खानेहरुको
छनौट गर्न कति स्वतन्त्र छौं ?
च्याङ्ग्रा महोत्सव भेंडाहरुको तजविजमा
लौ लुगाफुकालौं को बढी प्रजातान्त्रिक हुन सक्ने
कन्नैसित् !

****

 सपना र शिव अधिकारीहरु
(Source: मधुपर्क जेठ, २०६९)

यातना घर
इरेजरले मेटिएका अनुहारहरू
स्वयम्भू माफियादेवहरूको अर्चना गर्छन्
यो युग नरभक्षी बाघहरूको युग होइन
नरभक्षी नरहरूको युग हो !
वेवारिसे लासहरू
गाउँ छोड्ने सपनाका लस्कर चलेका छन्
भोकाएका अजिङ्गरहरू
छुचुन्द्राहरूका जुलुसमा सामेल छन्
ए ! यो देशबाट देवताहरू विस्थापित भइसके ?
त्यसो भए मन्दिरहरूको होइन
भ्रष्टाचारहरूको जीर्णोद्धार गरौँ
लोपोन्मुख गिद्धहरू
आमाहरूलाई सोध, प्रत्येक गर्भ घाइते छ !
मृगमरिचिका
देशका लागि सर्वत्र देश विस्फोटित छ
दोर्जेलाक्पा हिमालको कसम
यो देशमा अब खतराहरू मात्र सुरक्षित छन् !
ˆयाउराहरूको आत्मकथा
ध्रुवीय भालुहरूको डरयुक्त भर छ
कस्ले कस्को स्थिति सार्वजनिक गर्ने ?
जीवन सधैँ भुइँचालो र्फकने प्रतीक्षामा व्यतीत छ !
अलिनो भान्सा
दरबारमार्गका झडपहरू
एम्बुस जडान जिन्दगीका जिजीविषाहरूसँगै
सपना भुलाई गएका शिव अधिकारीहरू कता लागे ?
बन्दका हल्लाले बन्द देश
सावधान, तोडा चलेको छ
डबलीमा कात्तिक नाचहरू हेर्दै
ऊ लास परेका जुलुसहरू जीवनको अभिनय गर्दैछन् !
आङमा लुगा छैन ?
त्यसो भए निःशुल्क केटि्रमोक्साजोल खाऔं
कठ्याङ्गि्रने जाडो याम
मनहरूको अकुपन्चर चलेको छ !
अन्धोयुग
के ब्रेल छाम्ने औँंलाहरू पनि लोप भई सके ?


****

मृत्यु विपठनः एनेस्टेशियाका धुपहरु
खोई मनका सारसहरु कुन सिमसारतिर लागे ?
जति आत्महत्या गरेपनि
मान्छेहरु सिद्धिदैनन्
गिरफ्तार जिन्दगी
आउ, आफैले आपूmलाई सुपुर्दगी गरौं
दिमागका धुर्रा घुमाएर
तन्नमहरु इतिहास ब्यूताउँदैछन्
नालापानीदेखि कालापानीसम्म
गुर्खाज् सिमेट्री याने गोर्खाली चिहान
इतिहास मर्नेहरुले बनाउँछन् वाँच्नेहरुले
के बनाउँछन् ?
आ ! बाउबाजेहरुले वीरता बेचे हामी
श्रम बेच्न जाउँ
न्यूयोर्क र गुन्द्रुकको झोल
खोई हाम्रा अरु सपनाहरु?
तुर्तुरे खोलाहरु रोएका छन्
कि–वोर्ड औंलाहरु चलाएर
ब्लफकलमा अडेको जिन्दगी
ठिन्लेका गाउँहरु हराएका छन्
आह ! विखण्डनको ब्रह्माण्डमा के को
अखण्ड राष्ट्रियता ?
वर्वरयुगीन हामी ः अध्यादेशहरुमा देश चलेको छ
अन्धा एकिर वाइनमेयरहरु हाम्रा सगरमाथा
आरोहण गर्दैछन्
स्वर्णनगरीः वाणासुरका हजार हातहरु
जाउँ लावण्यदेशतिरै
त्यहाँ हाम्रा गुमेका कडीहरु छन्
ए ! टोनी हागनहरु कता लागे ?
आउ, अन्लाइन च्याटिङ गरौं अनि विर्सिदिउँ
एकदिन सूर्यले पृथ्वीलाई निल्नेछ
केही छैन, एउटा खुट्टो काट्नु पर्ने अर्कै खुट्टो काटिएछ
अब अर्को शल्यकृयामा हामी मुटू हैन
आत्मा काट्न सक्नेछौं !

****


जूनको क्रन्दन


कुहिरेयात्राः उल्टो घुमेका पाङ्ग्राहरु
प्लाष्टिकका पालमुनि वसेर हामी
गगनचुम्वी भवनहरुको पोष्टर हेर्दैछौं
नेपथ्य युद्धहरुः प्रदक्षिणा विम्वहरु टिपेर
शीतलहरीय ढोलपिटाई अभियानमा जुटेका छन्
खोई कहाँ के गर्दैछन् परा–संभाषणयुक्त
नेपाली तालिवानहरु ?
‘पोभर्टी म्यापिङ – गरीवीमापन नक्सामा
हामी कति धनी छौं ?’
यन्त्र मानवहरुको वस्तीमा भूमिगत सुप्रिमोहरु
कुरा गर्दैछन्
आह ! सप्रसङ्ग शून्यतावोध
मसित सपनाहरु दुखेको मन छ
फोसिल मायाः मुर्कट्टा विश्वासहरु
खोई कता लागे जीउँदा जीवाष्महरु
रेडकर्नर नोटिस पढ्दै ?
माकुराबजारः डिस्कोथेक
युद्धविराम युद्धहरुमा
रेडलाइट एरियाका धर्मशास्त्रहरु
उप्m ! कसरी जन्मदैछन् जिलेटीन कोच्चिएका गिदीहरुबाट
क्लोनिङ शिशुहरुको अधोपिढी
रिक्त ओदानः खुदुनावारी शिविरहरु
अन्तहीन दुष्चक्रहरु बोकेर
अद्यापि हामी भुरेटाकुरे–वाइसेचौवीसे टुक्राहरुमा
विभक्त छौं
जूनको क्रन्दनः औंसीका रातहरुसित
सप्रसङ्ग देशमा
कमैया गार्गीहरु वलात्कृत छन्
भिक्षु नावातामेहरु बुद्धको भूमिका मारिन्छन्
आह ! शबहरु शबपरीक्षा गर्दैनन्
प्रजातन्त्रमा टाउकाको मोल कति
टाउको टेकेका सगरमाथाहरु ?

****

परजीवी आतंक र देश



आप्तकामः जीवनका कार्निवलहरु
पदार्थहरुको सम्वेदनामा
घडीको सुई रोपिएर
उल्कापातका “ऋत” जन्मन्छन्
अन्धो इतिहास
धृतराष्ट्रहरु जन्माउँछ
कार्निभोर – वहुला मान्छेका डायरीहरुमा
श्रापित पदचिन्हः पातलो हावाका उच्चताहरु
हिमयुगीन गाथाहरुमा
यतीका खुट्टाहरु टेकिएकाछन्
कङ्कालहरुको उत्खनन्ः विगलित मनका पहराहरु
मानवयन्त्र यन्त्रणाहरुमा
कम्प्यूटर चिप्स भावनाका आइसोटप्स
जमेका छन्
यूटोपियामा हराएका मान्छेहरु
धारिला क्षितिजहरु ओर्लन्छन्
खोई हिमालमा हराएका म्यालोरीहरु
अद्यापि इदी अमिनका भूतहरु
जिउँदैछन्
लाभा घडी जिन्दगी
एकछिन खुलेको आकाशजस्तो
समयको कोर्रा लागेर अचेत छन्
कार्टुन प्रजातन्त्र
पोखरीका हिमालहरु हल्लिएका छन्
उप्m ! के म अझै कार्टुनहरुकै देशमा छु ?
साइलेसस्वप्न ः सिनेमाई प्रेमम्यानियाहरु
परजीवी आतङ्कग्रस्त छन्
युगहरु काँचुली फेर्छन् तर किन फेरिदैनन्
मनुष्यताका विषाक्त दाँतहरु ?
सम्सुद्दीनहरु, नेपाल लुट्न नआए हुन्छ
आजभोलि हामी आफै आफ्नो देश लुट्न काफी छौं
वैकुण्ठेहरु, जाऊँ लिगलिगकोटतिर
इन्द्रजात्राहरु मदहोस छन् –
‘नक्या व्यू छ्वेला वजी अँ !’
आह ! अभागी हुन्छ त्यो देश
जहाँ कसैलाई देश दुख्दैन !

***
खतरा



मृत्युपर्वत
हिमयुगदेखि हिमयुगसम्म
आफ्नै भारले नुहेका चुलीहरु
साइवरयुगीन महाभारत रच्दैछन्
अन् लाइन च्याट्का हिमावर्तनहरु
नियति सञ्जालग्रस्त छन्
चतुर्थ महाकल्पका आविर्भावहरुदेखि
किन मानवता एक अन्त्यहीन युद्धमा
होमिएको छ ?
हेर ! हेर ! जीवाष्महरु
वटिकाष्म उपकरण बोकी डायनासोरस र
महागजहरुको सिकार गर्दैछन्
ब्रिडिङ वल ः अभिलक्षित राज्योत्पति सिद्धान्तहरु
इतिवृत्तमा हराएका छन्
विकसित वन्यजीवन प्रजातिहरु
कुन भष्मासुर अहंकारमा व्यस्त छन् ?
युगीन पासो ः जिन्दगीका युद्धयात्राहरु
रेनेसाँ मनका अनेक धुमकेतुहरु छन्
शान्ति कहाँ छ ? भए जीवाणु÷विषाणुहरुको दुनियाँमा छ
माउन्ट फुजीदेखि किलिमाञ्जरोसम्म
खतरामा परेका जीवहरु छन्
आह ! खतरामा परेका ईश्वरहरु
अझैपनि ईश्वरहरु जन्माइरहेछन्
आउ, फराउनका पिरामिडहरु हेरौं
एथेन्सका पार्थिनोनहरु घुमौं
दासविद्रोहका लाभाहरु पिऔं
अनि ग्लेडियटर भई रोमको कोलोजियममा
एउटा वर्वर मृत्यु मरौं ….
आह ! धर्मयुद्धहरु
चीनको महान पर्खाल कहाँ छ
सिवाय मान्छेको मनमा ?

***

भ्यागुतोत्सव
सर्पखाने सर्पहरु
म्याग्नाकार्टा वोकेर हिडिरहेछन्
वालुवाका नदीहरुमा
शवगृहः पिटिसन अफ् राइट
राजा चाल्र्स – क्रमवेल नियतिका समीकरणहरु
छेपारोका रङ्ग समिश्रित
‘म नै राज्य हुँ !’ वुरबनवंशीय अहम्नादहरु
मेडम घाटा – रानी एन्टोनियटका वुर्जुवाई अज्ञानताहरु
‘पाउरोटी छैन भने केक खाउ
केक खाउ’
गिलेटीनका मुहानबाट जन्मन्छन् जिन्दगीका
रक्तिम इतिहासहरु
खोई नेपोलियनका उदयहरु ?
निमुखा बुद्धका सन्तााहरु, आउ
हिटलर जन्माऔं
पुनरावृत कोतपर्वहरु
यो कुरा स्वयंशिद्ध छ, मौका पाए
सबै नेपाली जङ्गबहादुर बन्छन् सबै जङ्गबहादुर
नेपाली बन्छन्
के आइ सिँह विद्रोहहरु
चार्लच्याप्लिन मार्काका हाँसोहरुमा डुब्छन्
ए, लौहपुरुषहरु ?
अजस्रधारा – लौहभष्महरुमा अनुदित छन्
आउ, कम्युटर रेसिङ क्याफेतिर जाऔं
क्रेडिट, अक्टोपस कार्ड किनेर
व्रेकिङ न्यूज ः दुनियाँ जलिरहेछ किन जेनहरु
ध्यान बस्दैछन् ?
टाइफुन नं आठ नेपाली वेश्याहरु सोध्छन्
नेपाली सज्जनहरुसित – ‘वोर्डरमा वस्नेहरुलाई सोध ’
‘हत्या गर अनि बाँच !’ सैतान देवताका सृष्टिहरु
आह ! सिलहट बुद्धका छाँयामन्तिर जंगली डिङ्गेहरु
शवगृहनिर्वाणमा लागेका छन्
महामूर्ख संगायनाः वुद्धिमानहरु कता भागे ?
जिन्दगीको अढाँट तथ्य रामनाम सत्य होइन
रावण नाम सत्य हो ।
हिमालहरुको देशः हिउँका कर्निसहरु चढौं
हाम्रो नारा छँदैछ – ‘राष्ट्रिय अराष्ट्रवाद !’
जिन्दावाद !
जिन्दावाद !
जिन्दावाद !


****


Ishwar Ballav Ka Aama Harule Atmahatya Garchhan

सुकुटीभेडाः चिलाएका गर्दनहरु
घिन्टीका माला उनेर हिड्छन्
जीवन सम्वेदना – त्यो राक्षसहरुको वस्तीमा
कहाँ हुन्छ ?
वन्द असिलेशनः टुकुचामा डुवेका धरहराहरु
तेत्सिमोकाई – स्वः ममीकरण वाँचेका छन्
शान्त जलका अशान्त गैंडाहरु
कर्मापाहरुको सिकार खेल्दैछन्
दुम्सीकाँडा सौन्दर्यः अनवरत् सृष्टि व्रह्माण्डहरु
प्रणयका स्वार्थहरुमा
यौन सफलता विमुक्त छन्
ग्यालिलियो – मनका टोड्काहरुमा
रातका आँखाहरु उँघेका छन्
वन्यजीवनः वालुवामन्तिरका विश्वहरु
मृत्युका खेलहरु मञ्चित छन्
नेता जीन – वचेरा भोक
आजभोलि हामी देश भाड्ने राष्ट्रिय
मेलमिलामा ब्यस्त छौं
इन्क्राइप्टेडः हारमोन्सका गीतहरु
अरोरा – ध्रूवीय प्रकाशमोह संरचित छन्
देशमा रगतको खोला बगेको छ
जाऊँ, विदेशतिर दोहोरी खेलौं
त्रासदीगाथाः एक असामयिक प्रश्न
‘देश कस्ले विगा¥यो ?’
ईश्वरवल्लभका आमाहरु आत्महत्या गर्छन्
पोइलो जाँदैनन्
उफ् !देश आमा हुन्
हामीमध्य को को विरुपाक्ष होइनौं
हाँ ?


****


Kathghara Ko Mrityudanda


गौंडा कुरेर
धनधान्याञ्जल महायज्ञ यात्राहरुमा
स्याल आक्रमण हुँदा
केही सुराकीहरु
इहलौकिक सब वेहसमा वेचिरहेछन्
स्वास्थ्यवर्धक च्यवनप्रासहरु
शिलालेख हेर अभिलेख हेर
विज्ञप्तिकालीन कैफियत प्रतिवेदनमा मात्र
कुद्दैनन् गाजापट्टीतिर
इजरायली ट्याङ्क आतङ्कहरु
प्रपञ्चातीत
गुरुकुलीय अध्यवसायहरुमा
कहाँ हराए लाभाताल सिद्धान्त ज्योतिषाचार्यहरु ?
सिस्नेरी झ्याङ
ल्याण्डफिल्ड साइटका रानीमहलहरु
आउ, गिनिसवुकका प्रति बोकेर
पुस्तैनी जीन हस्तान्तरणका
बम्पर खेलौं
क्रम विकास
सुख्खा आँखाका वर्षात्हरु
हामी एनेस्टेशियामा फर्जी मुठभेदका
इतिहासहरु रच्दैछौं
ओनियोमेनिया
हामी जलघोडाहरुमा काठी कस्दैछौ
अब कस्ले भन्न सक्दैन
हामी कठघराको मृत्युदण्ड भोग्दैछौं !


***
सूची


सिकारी हावाः प्यारापिटमा उभिएका जुलुशहरु
किचकवधका पूनरावृत्तिहरु हेर्दैछन्
खरायो वर्षभरि
सफाया अभियान चलेको छ
वेलुनको पृथ्वी
स्लोथगतिमा घुमेको छ
हामी कृषकामा आत्माहरु
चमेरा फल्ने रुखहरु मन्तिर चिडियाखानामा
खैनीखाने वाघहरु हेर्दैछौं
उ ! विधवाहरुको जुलुश
लोग्नेमरेको सुशोभन तक्मा विभुषित छन्
समय आधातित भ्रुणपरीक्षण – प्रत्येक दिन
सिमोन दी वुआहरु आत्मघातित छन्
युद्ध सहस्राब्दी र अकालवुद्धहरु
लासहरुमा सूचिकृत छन्
आउ, यूरो डलरका मुण्डमालाहरु भिरेर
च्याउवमहरुको खेती गरौं
प्रोफाइलहरुमा बन्द जिन्दगी
लोडसेडिङ्ग प्रेमका वाढीहरुमा वग्छन्
सवै भन्छन् हृदय विशाल हुनु पर्छ
त्यसैले आऊ, भैंसीका हृदय प्रत्यारोपण गरौं
ए ! पानखाने बूढाहरु कता लागे ?
आजभोलि सर्वत्र अहंकारका ज्वालामुखीमा
लाभाका पानहरु बेचिन्छन्
विचारहरुको दासत्वः अव हामी दासप्रथाबाट
आत्मदासप्रथातर्फ उन्मुख छौं
देशधर्तीभरि तुफान छ ? त्यसो भए आऊ,
मनचिन्ते विमानमा पर्वतीय उडान भरौं
प्रत्येक मान्छे एक जैविक हतियार हो
ए ! यो पशुपतिनाथको देश हो
यहाँ मान्छे पाइदैनन् ?


***

मुटु धडकिने ढुंगाहरुको गाउं

भुगोलमा नहराएको एउटा देश
र देशमा नहराएको एउटा गाउं
जब गाउंलेहरुका मन भित्र हराउंछ
उत्तरीय क्षितिजको पर्दा
खुलेर कहिले
हिउंका चिसा चिसा फूलहरु रुन्छन्
धुरु धुरु नरोउ भन्दै
छोंगों डांडांमा

पुर्खाका आत्माहरु भतभती पोल्दै
मलाई थहा छ
त्यता कतै हराएका छन्
अंधेरी खोलाका गीतहरु
लाटो कोसेरो झोक्रीएर
भर दिन भर रात
एउटा सानो गाउं
जहां घरहरु छन्
तर मान्छेहरु छैनन्
ए, कहां हराए
भएका घरका
नभएका जस्ता मान्छेहरु ?
ए, कहां हराए
नभएका जस्ता मान्छेका
भएको घरहरु ?
लेकाली हावा
आलु गांठो कस्ले पार्ने
अनि कस्ले सुन्ने
खरबारीको अजम्बरी व्यथाहरु
उफ! तामागी
मुटु धडकिने ढुगांहरुको
एउटा सुन्दर गाउं
तिमी सेतो छाला ओढी आउनेहरुका लागी
मात्र एउटा प्राचीन संग्रहालय नबनिदेऊ !
तिमी आफ्नो अस्तित्व बिर्सेर कहिल्यै पनि
आफैलाई जीवित लास नगनिदेऊ !

रचनास्थल: तामागी, २०५५


****

Pasabik Awataran

देश र दागवत्तीः अकष्मात् हराएका वा
बिर्सिएका सुन्दर विम्वहरुझैं
अर्ध–इन्द्रियका मानवहरु
वालुवाका पहाडहरु चढिरहेछन्
वफर जोनः सुरक्षा सन्त्रासहरु
सतत् कायरतापूर्ण हत्याका बहादुरीहरु
आउ जिन्दगीको कोर्टमार्शलमा
डमीहरुको जुलुस निकालौं
मौन आतङ्कः हदैसम्मको सजायँ जिन्दगी
सावधान, घेरावन्दी जारी छ
क्रासफायरिङमा नाङ्गामुखुण्डाहरु हिडिरहेछन्
एरोमाथेरापी – सुगन्धचिकिन्शा
मिलिसेकेण्ड मस्तिष्कहरुमा
ए ! यो देश त कन्सन्ट्रेटेड एपेडेमिक
क्षेत्र घोषित भईसकेछ
‘के नेपाली पनि वेश्या हुन्छन् ?’
मानवतस्करीका सञ्जालहरुमा प्रश्न गर्दैछन्
तरुलवादी शूक्ष्म जीवहरु
कम्प्युटरको माउससट्टश हृदयः छोराहरु
आमाहरुमा स्ट्रीप क्लव जन्माउँछन्
अनि शडकशडक देहव्यापारका कुरुप प्रतिश्पर्धा गर्छन्
थुक्क ! यो सूर्यको पनि कुनै विश्वास छैन
करङ र फोक्सो गुमाएर मरेका लक्ष्मीप्रसाद
र हृदयचन्द्रसिंहहरु
वर्वर युगमा शिष्ट–सभ्य सम्मानप्राप्त छन्
‘गाथगादी ताक्नेलाई यस्तै हुन्छ !’
सम्माननीय नरशमशेरहरु अद्यावधी
शहीदका कथा सुनाउँदै हिड्छन्
पासविक अवतरणः हामी विश्वप्रसिद्ध
गोर्खालीका सन्तान
निर्ममतामा विश्वरेकर्ड स्थापना गर्न इच्छुक छौं
आ कम्प्युटर, बुद्धिचाल खेलौं
अनि विर्सिदिऔं राष्ट्रका
मूर्खचालहरु

tundikhel

  • Global Moderator
  • ******
  • Posts: 15960
Re: Sarubhakta Poems (शरुभक्तका कविता)
« Reply #2 on: February 21, 2015, 04:32:37 AM »
धराप


कुमारी घर
तलेजुका रक्तिम अनुष्ठानहरुमा
सर्वकालीन नम्छरा राष्ट्रगानहरु
घटस्थापित छन्
ज्याम्वुरी हामी परापूर्वकालदेखि
खड्गजात्रा मनाइरहेछौ
भीर भूगोलमा
वुसान एसियाड
स्टोभ पड्केर आगलागी भएको छ
हाम्रा संचेतनाहरु
यसर्थ एक मृत्यु संस्कारित देश
व्ल्याकहोलदेखि व्ल्याकमेलसम्म व्यस्त छ
युटेरस् प्रोल्याप्स–खोई–क–कस्का
आङ खसेका छन् कुन्नी ?
हामी जाली नोटका सपनाहरुमा
माउसुली आक्रमण व्यस्त छौं
करणी उद्योग ः देवदासीप्रथा जमेको छ
आह ! मानव अङ्गका व्यापारीहरु
साँढेयुद्ध विभीषिका–अनङ्ग छन्
ए ! संकटकालीनदेशको महाखवर
‘डोल्पामा चामल पुग्यो ?’
म हिमालपारिको देशमा हिमालवारिको
कथा भन्दैछु–धरापदेखि
धरापसम्म
माफ गर खेम्पोहरु
देश थुप्चेन गुम्वाहरुभित्र शरणार्थी छैन
अभिशापिन यात्राहरुमा
हामी समयका विषाक्त च्याउ खाइरहेछौं
आह ! देशको टेण्डर खुलेको छ
परिकल्पित जुम्ल्याहा भवनहरुमा
यहाँ सबै व्यस्त छन् विनलादेनहरु

*****


साइवरपीडाः तारकयुद्ध सञ्जालहरु
जिन्दगीका मिथकयात्राभरि छन्
खोई कहाँ हराए हाम्रा स्वनामधन्य ख्रिचुङ
र आनिकहरु ?
अफिमखेतीः च्वेस्याङ र फाहियानहरु
श्रापित विरुपाक्ष भूमितिर
आजभोलि वाढीग्रस्त छन्
मितेरी साँधुहरु
ए ! के भईरहेछ प्लाजा डि टोरोसतिर ?
आजभोलि हामी हिँसाहरुको उपासनामा व्यस्त छौं
फरार मानवता – पतझडका वैसहरु बोकेर
वख्तरवन्द प्रजातिः खिया लागेका न्यूरोनहरु संरचना गर्छन्
मानव वंशवृक्षमा अद्यावधि जीवित छन्
महान कपिश्वरहरु
नेपोला निपार निपर नेपाल
भूपरिवेष्टित आँसुका सरोवरहरु
जहाँवाट बग्छन् दारुण नदीका
महापीडाहरु
साँग्रिला सम्वोधिः फालाफाल रुप्सेहरु
खोई कहाँ छन् साँढेम्यागुताका
आतङ्कहरु ?
शङ्कास्पद नेपालीहरु शङ्कास्पद नेपालीहरुको खोजीमा छन् …
कस्ले बुझ्नसक्छ, संसारको सवैभन्दा शक्तिशाली भूँडीवम
यहाँ उहिल्यैदेखि विस्फोटित छ !
उः ! हाम्रा हिमालहरु कति आग्ला छन्
हामी किन यति होंचा छौं !


***

टापु

समय सरिसृप
रगतका हिसावहरु माग्दै
बाँदरका पहाड उक्लिरहन्छन्
नर्कटका घारीहरु
द्विविधाग्रस्त हुन्छन्
जुल्स वर्नका क्याप्सुलहरुमा
ठेगाना हराएको जिन्दगीमा
सुव्बाप्रजा र टिकामायाहरु
नाइटभिजन हेर्दै
मुक्तिका गिठ्ठा भ्याकुर खान्छन्
पेटहरु पैरवीमा छन्
खोई कहाँ हराए अपेक्षाका
सिबाकथ्रोनहरु ?
रडारको परिवृत्तभरि
उडिरहेछन् एम.आई २४ हेलिकप्टरहरु
सफ्टवेयरमा रेन्डियरका शिकार खेल्दै
तेस्रो पुस्ता – मोवाइल फोनका डाइनासोरहरु
टाइटानिक यात्रा गर्छन्
अनन्त लिङ्गेश्वरहरुको देश
करोनरी एन्जियोग्राफीमा किन रुन्छन्
अभिग्नोनका युवतीहरु ?
आह ! शान्तिका युद्धवन्दी छन्
वाघ भीमसिंहका सन्तानहरु
म कुन निर्जन टापुमा खोजुँ
म्यान्डेटका नेपापिटेकस् प्रजातिहरु ?


****

इतर समय


मृत्युमहोत्सव
पीडाहरुको कोलाहल वगेर
आखेटिक विश्वासहरुमा
धुमकेतु उदाएको वेला
म हब्वलका आँखाहरुले हेर्दैछु
मान्छेका अन्तरिक्षहरु
उन्मीलित ताराहरुको देश
च्याउ फुलेका ब्रह्माण्ड वीथीभरि
किरणस्नान गर्दै
कुन जम्बालहरुमा चिप्लन्छन्
मेरा पयरका विश्वासहरु ?
म अन्धकूप अन्तरिक्ष पोखरीमा
माछामार्न हिडेको छैन
आह ! गिद्धहरुको दाहसंस्कार
अन्तरिक्ष अकाल धर्तीभरि
म सप्रसङ्ग षड्ऋतुहरुमा
आयामहरुको टोष्ट खाँदैछु
विगब्याङ्ग
विगब्याङ्ग
सुपरनोमा विस्फोटनका हल्लाहरु
कन्ट्रोल– सिद्धान्तहरुको लाममा
म कतै तानिएको छु
ब्लेकहोल – कृष्ण विवराकृत मनहरु
आफ्नै गुरुत्वपीडित छन्
यसर्थ सापेक्षिततामा नरभक्षी बाघ आतङ्कहरु
आफ्नै आतङ्कले उत्सवित छन्
इतर समय
अन्तरिक्षमा मनहरु हराएका छन्
अझैपनि म प्रेमका कविता खोज्न अभिशप्त छु

***

त्रासदी गाथा


चिसो मरुभूमिमा
ध्वजावाहक काला जादुगरहरु
इन्क्युवेटरमा वालुवाका सपनाहरु
कोरल्दैछन्
अपधर्मका पैगम्वरहरु
कुहिरोको सुरुङभित्र पसेर
मरुद्यान – ओयसिस तृष्णाका पूmलहरु
फुलाउँदैछन्
ठिंगुराभित्र
वालुवाका मान्छेहरु
अल्झिरहेछन् जिन्दगीका प्रायोरीहरु
अकालमुखे बच्चाहरु
प्लाष्टिकका दूधेमुन्टा चुस्दैछन्
सोनीहरु कविता खोज्दै रारा पुगे
अनि उतै हराए
एम्वुलेन्सको अभावमा सुत्केरीव्यथा
बल्झेको छ
के गर्भको शिशुलाई थाहा छैन
आज नेपाल बन्द छ ?
भूपरिवेष्ठित देश
कहाँबाट आउँछन् समुद्री आँधीहरु
लाक्पादोर्जे हिमालहरुमा ?
ए ! म गडुवाहरुको वस्तीमा आईपुगें
यहाँ सबै आश्चर्यचकित छन्
किन मेरो घाँटीमा गाँड झुण्डिएको छैन ?
बर्लिन पर्खाल भत्केपछि
हामी काँडेतारका पर्खाल लाइरहेछौं
नपत्याए हेर, पिकेट पोष्टमा मुसाहरु
कति अलर्ट छन्
हिट एण्ड रन
हिट एण्ड रन्
हामी एउटा जीवनशैलीको अभ्यास गर्दैछौं
निर्णायक मुठभेड कहिले हुन्छ ?
आह ! देशको त्रासदीगाथामा
म व्यास बन्न अनिच्छुक छु !


****


देश मृत्यु शैयामा छ
माफ गर, यो कुनै समाचार होइन
सुनाखरी नफुल्ने देश
धतुरीमैयाहरु बेचिएका छन्
भ्याकुमक्लिनर जिन्दगीका हलसाराहरुमा
बाबुहरु भैंसीसित छोरी साट्दैछन्
मुहनोचवा – आतङ्ककारी कीराहरु
एन्थ्राक्स आतङ्क ग्रस्त छन्
ए हिमालका जुनकीरीहरु ! के हामी डाइमिथाइल
मर्करीका ताण्डवपूर्ण मिनामाता रोगका खाडीमा छौं ?
हाराकारीधुनः रक्तपिपासु जीन
झड्केला बिम्बहरुको सतीगएर
भाइसभर्साउत्सवः
वाढीपीडितलाई अग्निपीडितको सहायता
अग्निपीडितलाई बाढीपीडितको सहायता
वेलिपुलहरु टुटेका छन्
पिलोले थलिएका राजागजहरु
इन्टरनेटमा साइवर आमा र वेवसन्तानहरुका करतुत हेरिरहेछन्
टाइमवममाथि वसेको देश
सुनका मृगहरु लखेटिन्छन्
ए लौहभष्मपुरुषहरु ! के हामीसित परिकल्पित जिन्दगीमात्र
वचेको छ ?
साटिएका आकाशहरुः थाकेका बिम्बहरु सिर्जना गर्छन्
छापामार आत्माहरु राष्ट्रिय तस्करी उद्योगहरुमा
कर्मचारी बोक्ने एम्वुलेन्स निर्माण गरिरहेछन्
लघुमानवहरुको वस्तीः खप्परहरुको जुलुस चलेको छ
आजभोलि मृतहरुको हत्याकाण्ड रचिदैनन्
त्यसैले एनटीसियसका शवपरीक्षा विधिहरु चल्दैनन्
संविधान कोमामा छ ?
त्यसोभए आउ, हटेरुहरुको भीड चिरेर
हुस्सुप्रदेशतिर प्रस्थान गरौं
विस्फोटक ताराहरु र च्याखुरे लेक
काकाकुल जिन्दगीका आइकनहरु
यहाँ प्रत्येक मान्छेभित्र एउटा तानाशाह वसेको हुन्छ
अभागी देशः जनताहरु सबै मरिसकेका छैनन्
ए ! उनीहरुमात्र किन सजिलैसित मरी ÷ मारिइ
भाग्यमानी बनेका छन् ?




****

हे बरै


म अग्निपर्खाल चढेर
संसदीय चोरबाटासम्म आइपुगेको छु
वायोनिक – यान्त्रिक माछाहरु
रोयल डिस्कोका भिडन्तहरु
आउ, मुखमा सुइरो रोपी हिडौं
सांघातिक आक्रमणहरु सामान्य छन्
वेरुजुमा परेको देशः कथित वन्दहरु खुल्ला छन्
हामी मिशनरीहरुका मिशनहरु
देशमा के–के अफापसिद्ध भएको छ
फापसिद्धहरु ?
हुइयाँ ! हुइयाँ !
हामी ऐतिहासिक डार्विनवादीहरु
राजाको काम कहिलेजाला घामवाट
जनताका काम सवै मेरो मामतर्फ
विवर्तित छौं
अँधियाँ जिन्दगी ः खोई के गर्दैछन् जिव्रो
काटिएका भक्तराजहरु ?
थुक्क नियती ! धेरै भएपछि अग्निपरीक्षापनि
पानीपरीक्षा हुन्छ हौ
संकटग्रस्त इजलासः टाउकाका ताराहरु सस्तै छन्
जाउँ, छापामार तालिमगर्न
खेतमा मुसाहरुको विगविगी छ
‘जिमजाने होइन सोम के हत्याहिंसा पढिरहेको !’
यो कुरा स्वयंसिद्ध छः पृथ्वीमा शोषणको
अन्त्य हुँदैन शोषणको रुपमात्र फेरिन्छ
हे बरै झलकमान !
कस्ले पो सोध्लिन् र खोई को–को
के–के भन्लिन् ? …

***


उभिण्डो टोपी लाएर
निर्वस्त्र शान्ति
रेसकोर्टका घोडाहरुझैं दगुरे
खोई, क्रयाक्पट् वुद्धहरु कता लागे ?
गडम्यानहरु
सैतानहरुका वस्तीमा छन्
हिजो हामीले प्रेमदिवस मनायौं आज
घृणादिवस मनाउँदैछौं
‘गोली ठोक्नु पर्छ त्यस्तो कविलाई !’
युगकविको युगीन वाणी हो
चरमराएका मानवविकास परिसूचकांकमा
खोई कविता कहाँ छ ?
कम्प्युटर भिजनसिन्डोम ः हामी अनलाइन
पूजामा ब्यस्त छौं
यतिखेर तुरुप हराएका जुवाडेहरु
बिरामीहरुको मौन जुलुशमा सामेल छन्
शरणार्थी देश कहाँ छ ? हृदयमा कि भूमिमा ?
आह ! शान्ति क्षेत्र नेपालमा जहिलेपनि
शान्तिवार्ताको हल्ला छ
अन्तहीन यक्षप्रश्न ः केराउवारीका सामुहिक वलात्कारहरु
हेर ! हेर ! इतिहासका झ्याक्रे अधिनायकवादीहरु
बहुरुपी नाच नाच्दैछन्
हामी कहाँ छौं ? भग्नावशेषहरुको भग्नावशेषहरुमा छौं
यसर्थ जिन्दगीका खरखडाइहरु
ग्वेवेलियन शैलीमा वेपत्ता छन्
आउ, आत्माहरुको क्लोनिङ गरौं !
कारण उता डोलीमरिछ यता हामी
स्वस्थानी व्रतकथा सुन्दैछौं
धडपकड जारी छ
धरपकड जारी छ …
अझैपनि टेरेन्टुलाहरु काशीवास गएका छैनन्
पशुवधशाला त्यहाँ छ, मानववधशाला सर्वत्र छ
आह ! यहाँ कोही गड्यौला खेती गर्दैछन्
कोही शहीद खेती गर्दैछन्
एत्तेरिलै ! गरीवीमापन गर्ने हो ? शमृद्धि मापन गरे हुन्न ?
‘आयो गोर्खाली !’ आजभोलि इतरयुद्धमोर्चाहरुमा
सर्वत्र चौकिदारीका माग वढेका छन्
ए, रुखचढ्ने गँगटाहरु !
हाम्रा देशवासीहरु के गर्दैछन्
गाँजा नभित्र्याएर ?


****


भित्तो


सम्प्रति यातनालय
खुम्बू हिमनदीका खरपसजाल
हुडिनीजात्राहरुमा हामीले पाएका छौ
आखेटोपहार – मुक्त कमैयाका
वन्धनहरु
क्यानोपीका नात्रेडयामसहरु
वधशालाका सिम्फोनीहरुमा
रगतका मूल्य किट्छन्
टटेरो – संविधानका खोस्टाहरु
सौसुरिया लाप्पाका धावाहरुमा
अवशोषित छन्
कोपरा उत्सवभरि
हुइयाँ गर्छन् आठपहरियाहरु
वन्दी सिधा खाएर
उत्प्रेषणको आदेश के छ ?
जलवनस्पतीय गृहिणीहरु धमाधम
पोतेमा झुण्डिएर आत्महत्या गर्दैछन्
रगतका अक्षरहरु
जातीय युद्ध भष्मासुरित छन्
खोई कस्लाई थाहा छ कहाँबाट
ओइरिए – अनन्त सहस्रार्जुनहरु ?
राष्ट्रिय सम्वत्सरमा
जहिलेपनि हामीसित अपहरित भित्तो छ
आह ! कहिलेसम्म रजाइ गर्नान्
नेपथ्यका माउसुलीहरु ?


****

जाडो

देश परिवेशः पुरातनपन्थी थकाइमा
मस्त निदाइरहेको बेला
एकथरी देशहरु
कालापहाड तर्फ लागेका छन्
मुटू कलेजो हराएर
बूढा सुब्बाका जोखनाहरु मूच्छित छन्
सर्वत्र विद्रोही र छापामारका कुरा
भूकम्पीय क्षतिका भविष्यवाणीसहित
आह ! पालतिर हामीले थुप्रै
ट्रमा सेन्टर खोलेका छौं
भगवानहरु सेल्टरमा छन् – छैनन्
तर हामी गरिवहरु
भगवानका मामलामा साह्रै धनी छौं
कम्ब्याट ड्रेस
एम – १६
नाइटभिजन
स्काई ट्रक …
नाइजेरियाली मिसदङ्गाहरु वीच
हामीले पनि वोधिका केही
नयाँ शब्दावली पाएका छौं
बज्रस्वाँठ अख्तियारहरु
हिरासतमा गाँजाखेती गर्छन्
अनि क्यूपर वेल्टतिर कतै
वरफका ढुङ्गाहरु पल्टाउँदै
पिङ्गपङ्ग भाइरस खेल्छन्
आफन्तहरुबाट कति वेचिए
पराइका चेलीवेटीहरु ?
क्यूरियोका सम्बन्धहरु रुन्छन्
खोई कहाँ हराए जामुना गुभाजुहरु ?
आजभोलि कार्टुनीकृत विषादका सिमसारहरुमा
जादुका धुम पो मच्चिएका छन् ।


****

नेपाल कम नेपाल


कालो चट्याङ्गः पीडाका खरपसहरु दुखेर
जीवनका मृत सागरमा
म रोलर कोस्टरका सपनाहरु देख्दैछु
ढापसुङ वस्तीतिर
कठपुतली आत्माहरु
साइवरयुगीन ‘किस्.कम्’ नाट्यरचना गर्दैछन्
संघात तरङ्गः दन्दनाउँदा रथहरु
भुत्याहा जाहाजहरुमा सवार छन्
पग्लिएका ढुङ्गाहरु
कालमसानतिर कल्की अवतारहरु
पर्खिरहेछन्
ए खोई विस्तृत नेपालका सपनाहरु ? के हामी
ब्यूझिसक्यौ र ?
एकीकरणका खुँडाहरु फलामे रक्षाकवच लाएर
व्हेलका दाँतभाँच्न हिडेका छन्
वीरगनः विजुलीबन्दुक
खोई हनुमानध्वजका परिघटनाहरु ?
आउ, फेरि एकपल्ट पत्थरकला बोकेर
जिउँदै शवपरीक्षा हुने वस्ती तिर जाऔं
उः ! वुद्धका कुरा गर्ने वात्सायनहरु
कुरुप सुन्दरीका कुरा गर्दैछन्
ग्राहक पर्खेका मसाज पार्लरहरु
वेवसाइटमा इन्टरनेट फ्रेन्ड फाइन्डरतिर
के हेर्दैछन् ?
‘कामरेड मिटिङमा होइसिन्छ ।’ धनधान्य
कामरेडहरु आश्वस्त छन्
आह ! हामी कसिङ्गर फाल्ने कन्टेनरका खोजीमा कहाँ छौ, कन्टेनर फाल्ने कसिङ्गरका खोजीमा
पो छौं !
काम पाइएन ? त्यसो भए जाऔं टाउकाले टेकेर
विश्वरेकर्ड बनाऔं
जिन्दगी सिङ भाच्चिएका अर्नाहरुको दौड हो
हारे यत्रैसित !
को ठूलो ? सत्रुका हातबाट मारिएका शहीद
कि आफन्तका हातवाट मारिएका शहीद ?
शहीद हुनेहरु सबै निख्रिसकेका छैनन्
यसर्थ विवाद जारी छ
म्यूजियममा हाम्रो इतिहास छ,
विदेशमा हाम्रो वर्तमान छ,
भविष्य हाम्रो कहाँ छ ?
के थाहा ?
हामी राष्ट्रिय निकुञ्जका नेपाली हौं


***

पुनरावृत्त सिसिफसका पुराकथाहरु
खप्पडहरुको पहाड चढेर
साइवरेश्वर इन्टरनेटका दानवहरु खेलाउँछ
शालिग्रामछाप
चिसो मरुभूमिका ताता सपनाहरु
गलैचाका फुलहरु फुलेर
आह ! म जिन्दगीका हिउँदहरुद्वारा लखेटिन्छु
चिप्लेकिरो ब्रह्माण्डभरि
लाजवन्ती झारका सम्वेदनाहरु कहाँ छन् ?
अक्सीजन खोसाखोस
लामकाने वाँदरहरु छक्क छन् किन हावा
तानेर वाँच्नु पर्छ ?
जलाम्य धर्तीः बाढी कहाँ आउन सक्छ ?
आइसक्रिम जमेको खोलामाथि
श्वेतश्याम वादलहरु छन्
महाप्रलयः सप्रसङ्ग नोआका ढुङ्गाहरु
कि मर्नु छ कि मार्नु छ, बाँच्नु कहाँ छ
ककुनभित्रका सपनाहरु ?
माला फुलको हुँदैन हत्याको हुन्छ
यसर्थ उनीहरुले सुन्तला वम खाए
कागती वम खाए
अव कहाँ दाग्ने लौका प्रक्षेपाश्त्रहरु ?
‘समग्रमा पृथ्वी सुन्दर छ हामी मात्र कुरुप
किन भयौ ?’
मलामी विचार, खोई कहाँ हराए भूभौतिक
अनङ्गदेवहरु ?
‘प्वाँ ! प्वाँ ! प्वाँ ! प्वाँ !’ शहरमा सवभन्दा
महत्वपूर्ण सवारी संघटना – फोहोर वोक्ने
ट्याँक्टर आउँदैछ
यसर्थ सफा – सभ्रान्तहरु सबै करतलध्वनि सहित
राजमार्ग – स्वागतमा व्यस्त छन्
लठुवा = मानवता
झिंगाहरुको आक्रमणदेखि वेखवर छन्
हात्तीहरु माटोवाट नुन खोज्दैछन्
हामी नुनबाट माटो खोज्दैछौं
उः ! कमिलाहरु क्याट्फिशको सिकार खेल्दैछन्
हामी आफ्नै सिकार खेल्दैछौं ।