« previous next »
Pages: [1]   Go Down

Author Topic: Nepali film Industry का स्क्यान्डल हरु  (Read 13077 times)

0 Members and 1 Guest are viewing this topic.

sag

  • VIP
  • ******
  • Posts: 730
Nepali film Industry का स्क्यान्डल हरु
« on: October 09, 2015, 02:25:00 AM »
कृष्टि र राजेशबीच हिमचिम

'भाग्यरेखा'मा अनुबन्ध भएलगत्तै कृष्टि मैनाली नायिकाबाट निकालिएको घोषणा गरे निर्देशक दीपक रायमाझीले ।
कृष्टि र राजेश हमाललाई 'ब्रेक' दिन तयार रायमाझीले काम सुरु नहुँदै कृष्टि र राजेशबीच हिमचिम बढेको थाहा पाएर दुवै नायक-नायिकालाई पन्छाए भनियो ।
पछि सो फिल्ममा कृष्टिको ठाउँमा मौसमीलाई अभिनय गराइयो । सिनेमा बजार उकालो लाग्दै गर्दा बढी चर्चा पाएको सम्भवतः यो नै पहिलो 'गसिप' थियो ।

चालीसको दशकमा रजतपटमा उदाएकामध्ये सापेक्षिक कम स्क्यान्डलमा पर्ने हिरोइनको रूपमा चिनिन्छिन् कृष्टि । सुटिङका क्रममा भएका ठोलाबाजी र प्रेमप्रसंगबाहेकका विवादमा यिनको नाम आएन ।

मौसमी मल्ल स्क्यान्डल

कृष्टिकै समकालीन नायिका मौसमी मल्ल स्क्यान्डलको हिसाबले अलि अगाडि थिइन् । उनै मौसमी अहिले २००९मा निर्मात्रीको रूपमा १२ वर्षपछि फेरि रजतपटमा आएकी हुन ।सिनेमाका प्रसंगभन्दा पनि व्यक्तिगत सवालमा बढी चर्चा भयो मौसमीको ।

चलचित्रमा सक्रिय हुँदाहुँदै श्रीमान्सँग सम्बन्ध बिग्रिएपछि उनि पलायन भएकी थिइन् उनी । पारिवारिक किचलोका बारेमा बढी चर्चा गरिएकी मौसमीको समकालीन हिरोहरूसँग नाम भने जोडिएन । उनि चार बर्ष बेल्जियम पलायन भएर ब्युटिसियनको काम गरेर बसिन ।

रूपा राना

मौसमीपछि सबैभन्दा बढी चर्चा पाउने हिरोइन भइन् रूपा राना । नायक धीरेन शाक्यसँग बास बस्ने गरी घुम्न गएको भन्ने खबरले सिनेबजार तताउनु ततायो ।
सुटिङ नभएको वेला शाक्यको गाडीमा कहिले नारायणघाट त कहिले पोखरामा देखिने गरेकी रूपाले चलचित्र 'चोट'मा दिएको बेडसिनले पनि त्यत्तिकै चर्चा पायो ।
६ वर्षभन्दा बढी समय विदेश बसेर फेरि चलचित्रमै काम सुरु गरेकी रूपा अहिले गुमनामजस्तै छिन् ।

विना बुढाथोकी

सिरियलमा अभिनय गरेर राम्रै जस आर्जन गरेकी विना बुढाथोकी पनि एकताका खुवै चर्चामा थिइन् ।
दीपक रायमाझी निर्देशित चलचित्र 'कसम'को एउटा गीतमा 'प्यान्टी' नै देखिएपछि उनको अभिनयभन्दा धेरै चर्चा भएको थियो अंग-प्रदर्शनको ।

'त्यो एउटा हल्लाजस्तै भयो । खास दम थिएन त्यो स्क्यान्डलमा,' निर्देशक रायमाझी भन्छन्, 'अहिले त त्यस्ता कुरा सामान्य भइसके ।'

करिश्मा मानन्धर

पहिलो फिल्म 'सन्तान'मा काम गर्दा स्पटमै धुरुधुरु रोएर चर्चामा आएकी करिश्मा मानन्धर फिल्मी करिअरभरि नै कुनै न कुनै प्रपोगान्डामा मुछिइरहिन् । सबैभन्दा बढी त फिल्म 'महादेवी'को सुटिङका क्रममा सुनियो उनको चर्चा । अभिनेता भुवन केसीसँगको चुम्बनको दृश्यदेखि भुवनले फ्रक उचालिदिएको प्रसंगलाई फिल्मी पत्रपत्रिकाले पर्याप्त स्थान दिए ।

चुम्बनकै दृश्यमा नायक केसीसँग करिश्माको विवाद भएपछि यसलाई सल्टाउन करिश्माका पति तथा निर्माता विनोद मानन्धर हेलिकोप्टर चढेर पोखरा पुगेका थिए । उनले केसीलाई भन्दा बढी निर्देशक नारायण पुरीलाई थर्काए भन्ने सुनियो । उनले निर्देशक पुरीलाई त्यसवेला धम्कीको भाषामा भनेका थिए रे, 'सभ्य ढंगमा काम गर्नुस्, म रिसाएँ भने राम्रो हुँदैन ।'

जतिवेला करिश्मा र राजेश हमालको फिल्मी जोडी जमेको थियो त्यतिवेला हमालसँगको सामीप्यता पनि धेरैका लागि गफ गर्ने विषय बन्यो । दर्जनभन्दा बढी चलचित्रमा राजेशकी हिरोइन बनेकी करिश्मालाई एकताका राजेशकी पार्टनर नै भनेर टिप्पणीसमेत गरियो ।

यो चर्चाबारे हमालले एउटा अन्तर्वार्तामा भनेका छन्, 'करिश्मा र म कुनै वेला मिल्ने साथीजस्ता थियौँ तर बाहिर हल्ला भएजस्तो भने होइन ।'

आँफुले बनाएको फिल्म "बाबुसाहेब" असफल भए पछि अमेरिका पलाएन भएपछि नायिका करिश्माले भनेकी थिइन्, 'सिनेमा हल्लैहल्लाको क्षेत्र हो भने अमेरिका जस्तो काम गरे पनि सम्मान पाइने देश ।'

अमेरिकामा ग्रिनकार्ड लिए पछि नेपाल फर्केकि करिश्मा अहिले सन २०१५ मा फिल्ममा स्ट्रगल गर्दैछिन ।

गौरी मल्ल

करिश्माकै समकालमा जमेकी अर्की नायिका गौरी मल्ल भने करिअरको 'पिकआवर'मा त्यति विवादित बनिनन् ।
केही वर्ष पहिला उनी 'अब सिनेमा खेलेर खान पुग्दैन' भन्दै जापानतिर लागेकी थिइन् । ठीक त्यति नै वेला उनी र उनका पतिको सम्बन्धबारे पनि नेपाली मिडियामा 'गसिपहरू' देखा परे ।
भनियो, 'श्रीमान् उज्ज्वल भण्डारीसँग गौरीको सम्बन्ध रहेन अब ।'
डेढ दशक अभिनय गर्दा जति चर्चा भयो त्यसको तुलनामा सम्बन्धविच्छेदको चर्चा बढी भयो नायिका गौरीका बारेमा ।

जापानमा क्यान्सरको उपचार गरेर स्वस्थ भएकि गौरि अमेरिका गइन । तर लामो समय अमेरिका बस्दा पनि त्यहाँको ग्रिन कार्ड प्राप्त गर्न नसकेपछि हालै उनि नेपाल् फर्केकि छिन ।



Logged

sag

  • VIP
  • ******
  • Posts: 730
Re: Nepali film Industry का स्क्यान्डल हरु
« Reply #1 on: October 09, 2015, 02:28:46 AM »
तुलसा सिलवाल

अभिनयमा जम्न नसके पनि अभिनेत्रिहरुमा सबैभन्दा धेरै चर्चा तुलसा सिलवालकै भयो । अभिनेता भुवन केसीसँग चुम्बन गरेको तस्बिर सार्वजनिक भएलगत्तै चर्चामा आएकी तुलसाले कथानक चलचित्र 'धर्म'मा अभिनय गरे पनि करिअर उचो बनाउन सकिनन् ।

कहिले नग्न तस्बिरले सतायो भने कहिले निर्मातासँग नाम जोडिएको चर्चाले । विभिन्न स्क्यान्डलले पनि फिल्मी करिअर बनाउन नसकेपछि बलिउड फिल्ममा काम गर्ने भन्दै मुम्बै छिरेकी तुलसाको दैनिकी केहि समय अघि भारतीय सहरमा आयोजना हुने दोस्रो दर्जाको स्टेज कार्यक्रममा बित्न थालेको बताइएको थियो ।

वर्षा खड्का

त्यसो त वर्षा खड्काको पनि चर्चा कम थिएन पचासको मध्यदशकतिर । निर्देशक समुद्र भट्टचनसँगको सम्बन्धले उनलाई लामो समयसम्म चर्चामा ल्यायो । विवाह गरेर गृहिणी बने पछि अहिले बर्षा गुमनाम छिन् ।

श्रीषा कार्की

त्यसैगरी, पटकपटक निर्माता, नायक र व्यवसायीसँग नाम जोडिने नायिका श्रीषा कार्कीले एउटा पत्रिकामा नग्न तस्बिर प्रकाशित भएपछि आत्महत्या नै गरिन् ।

सुनिता खड्का

नायिका एवं निर्मात्री सुनिता खड्कालाई पनि कहिल्यै विवादले छोडेन । उनलाई पनि फिल्म क्षेत्रका कतिपय व्यक्तिसँग जोडेर 'गसिप' बनाइयो ।

नीलु रायमाझी र किरण डिसी एउटै समयमा आएका थिए । चर्चामा आए पनि करिअर बनाउन नसकेपछि यी हिरोइन अहिले दर्शकको मस्तिष्कबाट हराइसकेका छन् ।


पूजा चन्द

केही फिल्ममा काम गर्नुको अतिरिक्त टेलिभिजन कार्यक्रम निर्मात्रीसमेत बनेकी पूजा चन्दको फिल्मी करिअर राम्रै थियो । युवराज लामाले बनाएको भिडियो फिल्म 'खेलौना'मा अर्धनग्न रूपमा प्रस्तुत भएकी पूजा चन्द पनि श्रीमान्सँगको सम्बन्धविच्छेदको ह्याङबाट मुक्त हुन सकिनन् ।

सम्बन्धविच्छेदको कानुनी प्रक्रिया पूरा नहुँदै उनी लोग्नेसँग छुट्टै बसेकी थिइन् । श्रीमतीले छोडेपछि अर्की युवतीलाई श्रीमती बनाएका सुरज चन्दले पूजासँगको सम्बन्धकै कारण केही दिन हनुमानढोकामा बिताउनुपर्‍यो । सुरजले दोस्री श्रीमती ल्याएको अभियोग लगाउँदै हनुमानढोका पुर्‍याएकी पूजा आफू भने केही महिना एक व्यापारी प्रकाश पौडेलको 'लिभिङ पार्टनर' बनेको खबर मिडियामा आएको थियो ।

अहिले त पूजाले पनि फिल्म इन्डस्ट्रीलाई बाइबाइ  गरेर अमेरिकामा बसोबास गर्नुका साथै राजु लामा संग बिवाह गरिसकेकी छिन  । सुरज र पुजाकि छोरी दिब्या चन्द पनि बयस्क भइ सकेकी छिन ।

****
झरना बज्राचार्य

हिन्दी फिल्म 'लभ इन नेपाल'मा अभिनय गरेपछि व्यापक विवादको सामना गरेकी झरना बज्राचार्य फिल्मको एउटा गीतमा अर्धनग्न रूपमा प्रस्तुत भएकी थिइन् । अर्धनग्न भएर अभिनय गरी चर्चा कमाए पनि बलिउड जाने सपना भने त्यसै तुहिएको थियो उनको । मिस नेपालको ताजपछि फिल्म हतियारबाट फिल्मी पर्दामा देखिएकी झरनाको फिल्मी करिअरमा पनि पटकपटक निर्माता, निर्देशक र नायकसँगको सम्बन्धबारे चर्चा भइरह्यो । केही म्युजिक भिडियोमा अभिनय गरे पनि ठूलो पर्दाको फिल्मबाट लगभग टाढिएकी झरना केहि वर्षअघि एक बेलायती नागरिकसँग टीकोटालो गरेर चर्चामा आएकी थिइन् । टीकाटालो पछि नै बिवाह नहुँदै उनको सम्बन्ध बिच्छेद भएको थियो ।

झरनाले अहिले भारतिय मुलका सिंगापुरका ब्यबसायि राहुल अग्रवालसंग बिवाह गरेर छोरा पनि जन्माइसकेकि छिन ।

सारंगा श्रेष्ठ

सारंगा श्रेष्ठले पनि चर्चाकै आडमा बजार तताइन् कुनैवेला । आइटम डान्सका लागि चर्चित सारंगाले नाइटोमा 'हे संगीता' लेखेको देखि नायक रमेश उप्रेतीसँगको प्रेम-सम्बन्धबारे चर्चा खेपिन् । नायिका सारंगाले पनि नेपालमा आफ्नो भविष्य नदेखेपछि अमेरिकामै बसेर भविष्य बनाउन सुरु गरेकी छिन् । उनलाई बिहे गर्ने एक अमेरिकीले अहिले उनलाई डिभोर्स गरे र अहिले उनले नेपालि नागरिक संग् नै बिवाह गरेर छोरि जन्माएकि छिन ।

कविता खड्का

केही फिल्ममा अभिनय गरेकी कविता खड्का नायक सौरभ कार्कीसँगको प्रेम-प्रसंगले चर्चामा आएकी थिइन् । पछिल्लो समय गृहिणी जीवन बिताउन थालेकी कविताको अहिले पर्दाको साइनो पनि टुटेको छ ।

मेलिना मानन्धर
राम्रै ब्यानरमा काम गर्न पाए पनि अभिनयमा सकारात्मक छाप छोड्न नसकेकी मेलिना मानन्धर फोटोग्राफर राजीव श्रेष्ठसँगको प्रेम-प्रसंगले चर्चामा आएकी थिइन् । पछिल्ला दिनमा केही म्युजिक भिडियो र टेलिचलचित्रमा अभिनय गरेकी मेलिना अहिले निर्मात्रीसमेत भएकी छिन् ।


सञ्चिता लुइँटेल
गुपचुप बिहे गरेपछि एक्कासि चर्चामा आएकी सञ्चिता लुइँटेलले सम्बन्धविच्छेद पनि गुपचुपमै गरेकी छिन् । फिल्मी करिअर उकालो लाग्दा आकाश शाहसँग कोर्टम्यारिज गरेकी सञ्चिता बिहेपछिका एकाध वर्ष निष्त्रिmय रहिन् अभिनयमा । पछिल्लो समय व्यस्त अभिनेत्रीको रूपमा नाम दर्ता गर्न सफल सञ्चिता अन्य सवालमा लफडा नगर्ने नायिकाको रूपमा चिनिन्छिन् ।

पटक-पटक विवादमा आइरहने नायिकाको रूपमा चिनिन्छन् रेखा थापा र रेजिना उप्रेती । सम्बन्ध र सिनेमामा एक्स्पोज हुने विषयलाई लिएर चर्चामा आइरहने यी हिरोइनका स्क्यान्डलले पनि एकताक मज्जैले बजार पिट्यो । निर्देशक शोभित बस्नेतकी प्रेमिकाको परिचय बनाएकी रेजिना पछिल्ला दिनमा शोभितलाई झटारो हान्नसमेत पछि परिनन् । धेरैले छोटो लुगा लगाउने हिरोइन भनेर टिप्पणी गर्दा पनि आपत्ति नजनाउने रेजिना कथानक चलचित्र 'हंगामा'मा टुपिसमा प्रस्तुत भएकी थिइन् ।प्रायः चलचित्रमा छोटो ड्रेसमै देखिने रेखा थापा सिनेमाकै प्रसंगले पटक-पटक चर्चामा आउने गरेकी छिन् । नेपाली फिल्मका 'प्रोमो' मात्र हेर्नेहरूले पनि भन्छन्, 'रेखाको फिल्म त हेरेको छैन तर, उनको अभिनय मन पर्छ ।' पछिल्लोपटक बलिउड कलाकार शक्ति कपुरले दुव्यवहार गर्दा प्रतिकारमा उत्रेपछि चर्चामा आएकी रेखा अहिले निर्देशक बन्छु भन्दै हिँडेकी छिन् । त्यसैगरी नायिका रेखा र नायक निखिल उप्रेतीको दुश्मनी पनि पटक-पटक 'गसिप' सामग्री बन्दै आइरहेको छ ।

सम्बन्धविच्छेदको खबरले चर्चामा आएकी थिइन् भुवन केसीकी श्रीमती एवं नायिका सुस्मिता केसी पनि । सम्बन्धविच्छेदपछि पनि अभिनेता केसीसँगै बस्दै आएकी सुस्मिता पछिल्लो समय 'म तिमीविना मरिहाल्छु नि'को निर्मात्रीका रूपमा दर्शकसँग परिचय गाँस्न आइपुगेकी थिइन् ।

नवनायिका जेनिसा केसीलाई पनि फिल्ममा डेब्यु गरेपछि विभिन्न चर्चाको पात्र बनाउन थालिएको छ । मौसमी मल्लको फिल्म 'गिरफ्तार'मा काम गर्दा नायक विराज भट्टसँग प्रेमलाप गरेको प्रसंगले चर्चा पाएको थियो । प्रायः विराजको सिफारिसमा काम गर्दै आएकी जेनिसाले पछिल्लो फिल्म 'दोस्ती'बाट निकालिएर फेरि काम गर्नुपरेको थियो ।

निर्देशक श्याम भट्टराईकी पूर्वपत्नी तथा नायिका रञ्जना शर्माले पनि चर्चामा आउनका लागि कुनै कसर बाँकी राखिनन् । गीतमा भित्री लुगा देखाएर नाच्नेदेखि भुवन केसीसँग प्रेमलाप गरेको प्रसंगले ठाउँ पाएको थियो उनका बारेमा । पछिल्लो चर्चा भने श्रीमान् श्यामसँग सम्बन्धविच्छेदबारे थियो ।
« Last Edit: December 28, 2016, 02:55:37 PM by tundikhel »
Logged

kurakani

  • 50x
  • ****
  • Posts: 2480
Re: Nepali film Industry का स्क्यान्डल हरु
« Reply #2 on: October 09, 2015, 04:05:20 PM »
Namrata
Pooja ko scandal ... Others JPT
Logged

karan316

  • xNew2
  • **
  • Posts: 11
Re: Nepali film Industry का स्क्यान्डल हरु
« Reply #3 on: December 25, 2016, 10:10:50 PM »
Wow
Logged

anand

  • Administrator
  • *******
  • Posts: 1203
Re: Nepali film Industry का स्क्यान्डल हरु
« Reply #4 on: December 27, 2016, 09:49:02 AM »
Logged

nikmeale12

  • 50x
  • ****
  • Posts: 130
Re: Nepali film Industry का स्क्यान्डल हरु
« Reply #5 on: May 13, 2017, 01:53:21 AM »
👍👍
Logged

outsiders

  • 50x
  • ****
  • Posts: 145
Re: Nepali film Industry का स्क्यान्डल हरु
« Reply #6 on: August 30, 2017, 07:18:33 AM »
👍👍
Logged
Pages: [1]   Go Up
« previous next »