मिस वर्ल्ड मा राष्ट्रिय पोशाक को राउण्ड नहुने भएको हुनाले मिस नेपाल अनुष्काले नेपालको मैलिकता देखिने पहिरन World Best Designer Show मा लगाएकि छिन् - नेपालको मौलिक र पुरातन थांका कला मण्डलाबाट प्रभावित भएर बनाइएको सो गाउनले हिन्दु र बौद्ध धर्मको पनि प्रतिनिधित्व गर्छ । मण्डला को बिचमा बिश्व बज्र को डिजाइन गरिएको सो पहिरन उनकि आमाको मुकु क्रियसनका डिजाइनार सुलोचनाको परिकल्पनामा बनेको हो। अनि त्यसमा भएको थांका कला साजिभ शाक्यले कोरेका हुन । अनुष्काकि आमाले संचालन गर्ने मुकु बुटिकको यो डिजाइन मौलिक र आकर्षक देखिएको छ ।
संस्कृत शब्द मण्डला को अर्थ गोलाकार भन्ने हुन्छ । पृथ्वि जस्तै ब्र्ह्माण्ड पनि गोलाकार हुन्छ भन्ने बिश्वासका साथ साथै यो आकारले मानिसको आध्यात्मिक यात्रा, जिवन चक्र र जिवनक बिभिन्न तहहरु बिचको सम्बन्ध देखाउँछ। थांकालाइ ध्यान गर्न, वा कुनै कार्यमा ध्यान केन्द्रित गर्न पनि थांका उपयोगि मानिन्छ ।
बिश्व बज्रलाइ मिलाएर मण्डलामाको बिचमा राख्दा अभेद्य र अथक शक्ति केन्द्रित हुने र यसले वर्ल्ड अर्थात संसारकै प्रतिनिधित्व गरेको बुझिन्छ - यसरि मिस नेपालको पहिरनले नेपालको साथ साथै मिस वर्ल्डको मर्मको पनि प्रतिनिधित्व गरेको छ ।
बज्रका चार भागले हवा, पानि, अग्नि र पृथ्वि को प्रतिनिधित्व गर्दछन् - यिनै चार तत्वले नै ब्रम्हाण्ड बनेको हुन्छ । तेस्तै यि चार भागले मानिसको जिवनका चार महत्वपुर्ण अबस्थाको पनि चित्रण गर्दछन। बज्र र कहिल्यै अन्त्य नहुने गोलाकार मण्डलाले ब्रम्हाण्ड र आत्माको संगमको प्रतिनिधित्व गर्दछ।
यसै मिस वर्ल्ड प्रतियोगितामा बिउटि विथ अ पर्पोजको टप १० नेपाल पनि परेको छ । यो उपाधि कसले जित्ने भन्ने निर्णय अन्तिम दिन डिसेम्बर १४ मा मात्रै हुने छ ।
