Topic: Baal Geet - Poems (Nepali)

[tundikhel]

कागदाजै

कागदाजै काग दाजै
पीपल झारिदेउ
कागिनी भाउजूलाई
गुन्यूचोलो देऊ

    काग दाजै काग दाजै
    आँप झारिदेउ
    कागिनी भाउजूलाई
    चुरापोते देउ

काग दाजै काग दाजै
पानी पारिदेऊ
कागिनी भाउजूलाई
बाला मुन्द्री देऊ
    काग दाजै काग दाजै
    साथी डाकी देऊ
    कागिनी भाउजूलाई
    मीठो खान देऊ

[tundikhel]

 अल्छिलाई बल्छी
बाजेको दारीमा जुम्राको पिङ

    अल्छिलाई बल्छी फन्फनी रिङ
बल्छी खाने माछाको थुतुनोमा प्वाल
    फेला पर्‍यो लोभी माछो ताप्केमा हाल
घाम ताप्ने छेपारो काम गर्दैनस्
    झिङ्गा कीरा खोजि खा भात पकाउँदैनस्।

[tundikhel]

बस बस रे


बस बस रे बसुन्धरा बहिनी

घिउ खाने डाडु
पञ्चरत्ने बाजा
घुमाउने टपरी
झिनियाँको खाजा
खेली खेली बसिजाऊ न ।
उठ उठ रे
उठन्धरा बहिनी
धिउ खाने डाडु
पञ्चरत्ने बाजा
घुमाउने टपरी
झिनियाँको खाजा
खेली खेली उठिजाऊ न ।

[tundikhel]

नन्दुले गन्जी सुकायो


नन्दुले गन्जी सुकायो ।
एउटा बकुल्लो आयो ।
बकुल्लाले गन्जी माग्यो ।
नन्दुले गन्जी दिएन ।
बकुल्लाले चुच्चाले गन्जी टिप्यो ।
नन्दुले हल्ला मच्चायो ।
मान्छे जम्मा भए ।
मान्छेले बकुल्लालाई डल्लाले हाने ।
बकुल्लाले गन्जी छोड्यो ।
नन्दुले गन्जी पायो ।
नन्दु रमायो ।

[tundikhel]

तिर्खाएको काग



एउटा काग थियो ।
कागलाई तिर्खा लाग्यो ।
काग पानी खोज्न उड्यो ।
कागले कतै पनि पानी देखेन ।
उड्दा उड्दा कागले

    उड्दा उड्दा कागले
    एउटा घैँटो देख्यो ।
    घैँटामा अलिकति पानी
    थियो । कागले घैँटाको
    पानी खान खोज्यो ।

कागले पानी भेटेन ।
कागले पानी कसरी खाने
भनेर विचार गर्‍यो
कागले घैँटाको पानी माथि
ल्याउने उपाय सोच्यो ।

    कागले साना साना ढुङ्गा ल्यायो
    र घैँटामा हाल्यो । घैँटामा धेरै
    ढुङ्गा भएपछि पानी माथि
    आयो । कागले चुच्चाले पानी
    भेट्यो । कागले पेटभरि पानी
    खायो र उड्यो ।

[tundikhel]

फोनमा बोल्ने म हो


                - माधव प्रसाद घिमिरे

हलो ! हलो !ओहो !
फोनमा बोल्ने को हो?
फोनमा बोल्ने म हो ।
म भन्या को हो?
म हो भन्या मै हो ।
के हो तिम्रो नाँउ?
नानी मेरो नाँउ ।

धनयाबाद नानी!
तिमी कति ज्ञानी ।

[tundikhel]

राम्रैराम्रै


                _रमेशचन्द्र घिमिरे

पहाड जति राम्रो लाग्छ
तराई त्यति राम्रो
बार्है महिना हिउँ पर्ने
हिमाल कति राम्रो

किन किन लाग्छ मलाई
आफ्नै गाउँ राम्रो
जन्मिएको हुर्किएको
आफ्नै ठाउँ राम्रो।

[tundikhel]

कपासको खेती


            -प्रमोद प्रधान

आकशमा कसले गर्छ
कपासको खेती !
जाऔँ हामी सोधी आऔँ
उसैलाई भेटी !

बोट छैन, न बिरुवा
फुल्छ ढकमक्क
जलमल चाहिँदैन
पार्छ सधैँ छक्क ।

बतासलाई पछ्याउँछ
बनी केटाकेटी
आकाशमा कसले गर्छ
कपासको खेती !

[tundikhel]

मिठो बोल्ने नानीलाई


                -ध्रुवकृष्ण दीप

मिठो बोल्ने नानीलाई
सबले माया गर्छ ।
तितो बोल्ने बानीलाई
कसले यहाँ टेर्छ ?

सम्झिराख मीठो सबै
मुखैभित्र हुन्छ ।
जस्तो राम्रो फलफूल
रुखभित्र हुन्छ ।

ज्ञानीगुनी बन्ने कुरा
बानी बाटै हुन्छ ।
बानी भन्ने सबै कुरा
नानीबाटै हुन्छ।

[tundikhel]

हाटबजार




            -रामबाबु सुबेदी

राम्रा लुगा लाएर
मिङमा गई बजार
बजारमा भेटिए
साथी हजार ।

यौटा साथी सुर्खेते
अर्को साथी पुर्कोटे
च्याङ्लुङे र म्याङ्लुङे
काँ'हुँ, धुर्केटे ?

सथी भाई भेटिँदा
मिङमा भई फुरुक्क
धुवाँले र धुलाले
तर धुरुक्क ।

हाटबजार भनेका
गुलाबाका फूल हुन्
यी फूलका डालीमा
काँडा पनि छन् ।